Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrībagalāṣṭottaraśatanāmastotram

श्रीबगलाष्टोत्तरशतनामस्तोत्रम्

Verse

श्रीगणेशाय नमः ।

Verse

नारद उवाच ।

Verse

भगवन्देवदेवेश सृष्टिस्थितिलयात्मक । शतमष्टोत्तरं नाम्नां बगलाया वदाधुना ॥१॥

Verse

श्रीभगवानुवाच ।

Verse

शृणु वत्स प्रवक्ष्यामि नाम्नामष्टोत्तरं शतम् । पीताम्बर्यां महादेव्याः स्तोत्रं पापप्रणाशनम् ॥२॥

Verse

यस्य प्रपठनात्सद्यो वादी मूको भवेत्क्षणात् । रिपुणां स्तम्भनं याति सत्यं सत्यं वदाम्यहम् ॥३॥

Verse

ॐ अस्य श्रीपीताम्बराष्टोत्तरशतनामस्तोत्रस्य सदाशिव ऋषिः, अनुष्टुप्छन्दः, श्रीपीताम्बरा देवता, श्रीपीताम्बराप्रीतये पाठे विनियोगः ।

Verse

ॐ बगला विष्णुवनिता विष्णुशङ्करभामिनी । बहुला वेदमाता च महाविष्णुप्रसूरपि ॥४॥

Verse

महामत्स्या महाकूर्म्मा महावाराहरूपिणी । नारसिंहप्रिया रम्या वामना बटुरूपिणी ॥५॥

Verse

जामदग्न्यस्वरूपा च रामा रामप्रपूजिता । कृष्णा कपर्दिनी कृत्या कलहा कलकारिणी ॥६॥

Verse

बुद्धिरूपा बुद्धभार्या बौद्धपाखण्डखण्डिनी । कल्किरूपा कलिहरा कलिदुर्गति नाशिनी ॥७॥

Verse

कोटिसूर्य्यप्रतीकाशा कोटिकन्दर्पमोहिनी । केवला कठिना काली कला कैवल्यदायिनी ॥८॥

Verse

केशवी केशवाराध्या किशोरी केशवस्तुता । रुद्ररूपा रुद्रमूर्ती रुद्राणी रुद्रदेवता ॥९॥

Verse

नक्षत्ररूपा नक्षत्रा नक्षत्रेशप्रपूजिता । नक्षत्रेशप्रिया नित्या नक्षत्रपतिवन्दिता ॥१०॥

Verse

नागिनी नागजननी नागराजप्रवन्दिता । नागेश्वरी नागकन्या नागरी च नगात्मजा ॥११॥

Verse

नगाधिराजतनया नगराजप्रपूजिता । नवीना नीरदा पीता श्यामा सौन्दर्य्यकारिणी ॥१२॥

Verse

रक्ता नीला घना शुभ्रा श्वेता सौभाग्यदायिनी । सुन्दरी सौभगा सौम्या स्वर्णाभा स्वर्गतिप्रदा ॥१३॥

Verse

रिपुत्रासकरी रेखा शत्रुसंहारकारिणी । भामिनी च तथा माया स्तम्भिनी मोहिनी शुभा ॥१४॥

Verse

रागद्वेषकरी रात्री रौरवध्वंसकारिणी । यक्षिणी सिद्धनिवहा सिद्धेशा सिद्धिरूपिणी ॥१५॥

Verse

लङ्कापतिध्वंसकरी लङ्केशी रिपुवन्दिता । लङ्कानाथकुलहरा महारावणहारिणी ॥१६॥

Verse

देवदानवसिद्धौघपूजिता परमेश्वरी । पराणुरूपा परमा परतन्त्रविनाशिनी ॥१७॥

Verse

वरदा वरदाराध्या वरदानपरायणा । वरदेशप्रिया वीरा वीरभूषणभूषिता ॥१८॥

Verse

वसुदा बहुदा वाणी ब्रह्मरूपा वरानना । बलदा पीतवसना पीतभूषणभूषिता ॥१९॥

Verse

पीतपुष्पप्रिया पीतहारा पीतस्वरूपिणी । इति ते कथितं विप्र नाम्नामष्टोत्तरं शतम् ॥२०॥

Verse

यः पठेत्पाठयेद्वापि शृणुयाद्वा समाहितः । तस्य शत्रुः क्षयं सद्यो याति नैवात्र संशयः ॥२१॥

Verse

प्रभातकाले प्रयतो मनुष्यः पठेत्सुभक्त्या परिचिन्त्य पीताम् । द्रुतं भवेत्तस्य समस्तबुद्धिर्विनाशमायाति च तस्य शत्रुः ॥२२॥

Verse

॥ इति श्रीविष्णुयामले नारदविष्णुसंवादे श्रीबगलाष्टोत्तरशतनामस्तोत्रं समाप्तम् ॥

śrībagalāṣṭottaraśatanāmastotram
śrībagalāṣṭottaraśatanāmastotram

Read next

More on श्रीबगलाष्टोत्तरशतनामस्तोत्रम्

  • श्रीबगलाष्टोत्तरशतनामस्तोत्रम्Ashtottaranama
  • श्रीबगलाष्टोत्तरशतनामस्तोत्रम्Ashtottaranama

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms