Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

śrīannapūrṇāṣṭottaraśatanāmastotram

श्रीअन्नपूर्णाष्टोत्तरशतनामस्तोत्रम्

Verse

॥ श्रीगणेशाय नमः ॥

Verse

॥ श्रीअन्नपूर्णाविश्वनाथाभ्यां नमः ॥

Verse

अस्य श्रीअन्नपूर्णाष्टोत्तरशतनामस्तोत्रमन्त्रस्य भगवान् श्रीब्रह्मा ऋषिः ।

Verse

अनुष्टुप्छन्दः ।

Verse

श्रीअन्नपूर्णेश्वरी देवता ।

Verse

स्वधा बीजम् ।

Verse

स्वाहा शक्तिः ।

Verse

ॐ कीलकम् ।

Verse

मम सर्वाभीष्टप्रसादसिद्धयर्थे पाठे विनियोगः ।

Verse

ॐ अन्नपूर्णा शिवा देवी भीमा पुष्टिस्सरस्वती । सर्वज्ञा पार्वती दुर्गा शर्वाणी शिववल्लभा ॥१॥

Verse

वेदवेद्या महाविद्या विद्यादात्री विशारदा । कुमारी त्रिपुरा बाला लक्ष्मीश्श्रीर्भयहारिणी ॥२॥

Verse

भवानी विष्णुजननी ब्रह्मादिजननी तथा । गणेशजननी शक्तिः कुमारजननी शुभा ॥३॥

Verse

भोगप्रदा भगवती भत्ताभीष्टप्रदायिनी । भवरोगहरा भव्या शुभ्रा परममङ्गला ॥४॥

Verse

भवान्नी चञ्चला गौरी चारुचन्द्रकलाधरा । विशालाक्षी विश्वमाता विश्ववन्द्या विलासिनी ॥५॥

Verse

आर्या कल्याणनिलया रुद्राणी कमलासना । शुभप्रदा शुभावर्ता वृत्तपीनपयोधरा ॥६॥

Verse

अम्बा संहारमथनी मृडानी सर्वमङ्गला । विष्णुसंसेविता सिद्धा ब्रह्माणी सुरसेविता ॥७॥

Verse

परमानन्ददा शान्तिः परमानन्दरूपिणी । परमानन्दजननी परानन्दप्रदायिनी ॥८॥

Verse

परोपकारनिरता परमा भक्तवत्सला । पूर्णचन्द्राभवदना पूर्णचन्द्रनिभांशुका ॥९॥

Verse

शुभलक्षणसम्पन्ना शुभानन्दगुणार्णवा । शुभसौभाग्यनिलया शुभदा च रतिप्रिया ॥१०॥

Verse

चण्डिका चण्डमथनी चण्डदर्पनिवारिणी । मार्ताण्डनयना साध्वी चन्द्राग्निनयना सती ॥११॥

Verse

पुण्डरीकहरा पूर्णा पुण्यदा पुण्यरूपिणी । मायातीता श्रेष्ठमाया श्रेष्ठधर्मात्मवन्दिता ॥१२॥

Verse

असृष्टिस्सङ्गरहिता सृष्टिहेतुः कपर्दिनी । वृषारूढा शूलहस्ता स्थितिसंहारकारिणी ॥१३॥

Verse

मन्दस्मिता स्कन्दमाता शुद्धचित्ता मुनिस्तुता । महाभगवती दक्षा दक्षाध्वरविनाशिनी ॥१४॥

Verse

सर्वार्थदात्री सावित्री सदाशिवकुटुम्बिनी । नित्यसुन्दरसर्वाङ्गी सञ्चिदानन्दलक्षणा ॥१५॥

Verse

नाम्नामष्टोत्तरशतम्बायाः पुण्यकारणम् । सर्वसौभाग्यसिद्ध्यर्थं जपनीयं प्रयत्नतः ॥१६॥

Verse

एतानि दिव्यनामानि श्रुत्वा ध्यात्वा निरन्तरम् । स्तुत्वा देवीञ्च सततं सर्वान्कामानवाप्नुयात् ॥१७॥

Verse

॥ इति श्रीब्रह्मोत्तरखण्डे आगमप्रख्यातिशिवरहस्ये श्रीअन्नपूर्णाष्टोत्तरशतनामस्तोत्रं सम्पूर्णम् ॥

śivaproktaṃ annapūrṇā aṣṭottaraśatanāmastotram
ardhanārīśvaryaṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms