aSTottaranAma
vasudhārānāmadhāraṇīstotram
वसुधारानामधारणीस्तोत्रम्
Verse
ॐ नमो भगवत्यै आर्यश्रीवसुधारायै ।
Verse
दिव्यरूपी सुरूपी च सौम्यरूपी बलप्रदा । (वरप्रदा) वसुधरी वसुधारणी वसुश्री श्रीकरी वरा ॥१॥
Verse
धरणी धारणी धाता शरण्या भक्तवत्सला । प्रज्ञापारमिता देवी प्रज्ञा श्रीबुद्धिवर्धिनी ॥२॥
Verse
विद्याधरी शिवा सूक्ष्मा शास्ता सर्वत्र मातृका । (शान्ता) तरुणी तारु(र)णी देवी विद्यादानेश्वरेश्वरी ॥३॥
Verse
भूषिता भूतमाता च सर्वाभरणभूषिता । दुर्दान्तत्रासनी भीता उग्रा उग्रपराक्रमा ॥४॥
Verse
(दुर्दान्तवासिनी भीमा) दानपारमिता देवी वर्षणी दिव्यरूपिणी । निधानं सर्वमाङ्गल्या कीर्तिर्लक्ष्मीर्यशःशुभा ॥५॥
Verse
(यशस्विनी) दहनी मालिनी चण्डी शबरी सर्वमात्रिका । कृतान्तशासनी रौद्री कौमारी विश्वरूपिणी ॥६॥
Verse
वीर्यपारमिता देवी जगदानन्दरोचनी । तापसी उग्ररूपी च ऋद्धिसिद्धिबलप्रदा ॥७॥
Verse
धन्या पुण्या महाभागा अजिता जितविक्रमा । जगदेकहिता विद्या सङ्ग्रामे तारणी शुभा ॥८॥
Verse
क्षान्तिपारमिता देवी शीलिनी ध्यानध्यायिनो । पद्मिनी पद्मधारी च पद्मप्रिया पद्मासनी ॥९॥
Verse
शुद्धरूपी महातेजा हेमवर्णा प्रभाकरी । चिन्तामणिमहादेवी प्रज्ञापुस्तकधारिणी ॥१०॥
Verse
निधानं कूटिमारुढिधन्यागारधनप्रिया । त्रैधातुकं महा आदि दिव्याभरणभूषिणी ॥११॥
Verse
मातरी सर्वबुद्धानां रत्नधाते(त्वी)श्वरेश्वरी । शून्यता भावनी देवी भावाभावविवर्जिता ॥१२॥
Verse
वैन्ये(ने)य किं न विन्यस्ता दिव्यक्लेशनिछेदनी । भी(भे) दिनी सर्वमाराणां सप्तपातालक्षोभिनी (णी) ॥१३॥
Verse
ब्रह्माणी वेदमाता च गुह्या च गुह्यवासिनी । सरस्वती विशालाक्षी चतुर्ब्रह्मविहारिणी ॥१४॥
Verse
ताथागती महारम्या वज्रिणी धर्मधारिणी । कर्मधातेश्वरी विद्या विश्वज्वालाभमण्डली ॥१५॥
Verse
बोध(धि)नी सर्वसत्त्वानां बोध्यङ्गकृतशेखरी । ध्याना धीर्मुक्तिसम्पन्ना अद्वयद्वयभाविनी ॥१६॥
Verse
सर्वार्थसाधनी भद्रा स्त्रीरूपामितविक्रमा । दर्शिनी बुद्धमार्गाणां नष्टमार्गप्रदर्शिनी ॥१७॥
Verse
वागीश्वरी महाशान्तिर्गोप्त्री धात्री धनप्रदा । स्त्रीरूपधारिणी सिद्धा योगिनी योगजेश्वरी ॥१८॥
Verse
मनोहरी महाक्रान्तिः सौभाग्यप्रियदर्शिनी । सार्थवाहकृपादृष्टिः सर्वताथागतात्मकी ॥१९॥
Verse
नमस्तेऽस्तु महादेवी सर्वसत्त्वार्थदायिनी । नमस्ते दिव्यरूपी च वसुधारा नमोऽस्तु ते ॥२०॥
Verse
अष्टोत्तरशतं नाम त्रिकालं यं पठेत् पुमान् । प्राप्नोति नियतं सिद्धिमीप्सितार्थमनोरथान् ॥२१॥
Verse
यदज्ञानकृतं पापमानन्तर्यसुदारुणम् । तत्सर्वं क्षपयत्याशु स्मरणात् स(र्व)भद्रकम् ॥२२॥
Verse
अथवा शीलसम्पन्नः सप्तजातिस्मरो भवेत् । प्रियश्चादेयवाक्येन रूपवान् प्रियदर्शनः ॥२३॥
Verse
विप्रक्षत्रियकुलेषु आदेयमुपजायते । अन्ते भूमीश्वरं प्राप्तः पश्चात् प्राप्त(ः) सुखावतीम् ॥२४॥
Verse
इति श्रीवसुधारानामधारणीस्तोत्रं सम्यक्सम्बुद्धभाषितं सम्पूर्णम् ॥
