Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

nityānandāṣṭottaraśatanāmastotram

नित्यानन्दाष्टोत्तरशतनामस्तोत्रम्

Verse

श्रीमान्नित्यानन्दचन्द्राय नमः ।

Verse

नित्यानन्दमहं वन्दे कर्णे लम्बितमौक्तिकम् । चैतन्याग्रजरूपेण पवित्रीकृतभूतलम् ॥१॥

Verse

प्रणम्य श्रीजगन्नाथं नित्यानन्दमहाप्रभुम् । नाम्नामष्टोत्तरशतं प्रवक्ष्यामि मुदाकरम् ॥२॥

Verse

नीलाम्बरधरः श्रीमाल्लाङ्गलीमुसलप्रियः । सङ्कर्षणश्चन्द्रवर्णो यदूनां कुलमङ्गलः ॥३॥

Verse

गोपिकारमणो रामो वृन्दावनकलानिधिः । कादम्बरीसुधामत्तो गोपगोपीगणावृतः ॥४॥

Verse

गोपीमण्डलमध्यस्थो रासताण्डवपण्डितः । रमणीरमणः कामी मदघूर्णितलोचनः ॥५॥

Verse

रासोत्सवपरिश्रान्तो घर्मनीरावृताननः । कालिन्दीभेदनोत्साही नीरक्रीडाकुतूहलः ॥६॥

Verse

गौराश्रयः शमः शान्तो मायामानुषरूपधृक् । नित्यानन्दावधूतश्च यज्ञसूत्रधरः सुधीः ॥७॥

Verse

पतितप्राणदः पृथ्वीपावनो भक्तवत्सलः । प्रेमानन्दमदोन्मत्तः ब्रह्मादीनामगोचरः ॥८॥

Verse

वनमालाधरो हारी रोचनादिविभूषितः । नागेन्द्रशुण्डदोर्दण्डस्वर्णकङ्कणमण्डितः ॥९॥

Verse

गौरभक्तिरसोल्लासश्चलच्चञ्चलनूपुरः । गजेन्द्रगतिलावण्यसम्मोहितजगज्जनः ॥१०॥

Verse

सम्वीतशुभलीलाधृग्रोमाञ्चितकलेवरः । हो हो ध्वनिसुधाशिश्च मुखचन्द्रविराजितः ॥११॥

Verse

सिन्धूरारुणसुस्निग्धसुबिम्बाधरपल्लवः । स्वभक्तगणमध्यस्थो रेवतीप्राणनायकः ॥१२॥

Verse

लौहदण्डधरो शृङ्गी वेणुपाणिः प्रतापवान् । प्रचण्डकृतहुङ्कारो मत्तः पाषण्डमार्दनः ॥१३॥

Verse

सर्वभक्तिमयो देव आश्रमाचारवर्जितः । गुणातीतो गुणमयो गुणवान् नर्तनप्रियः ॥१४॥

Verse

त्रिगुणात्मा गुणग्राही सगुणो गुणिनां वरः । योगी योगविधाता च भक्तियोगप्रदर्शकः ॥१५॥

Verse

सर्वशक्तिप्रकाशाङ्गी महानन्दमयो नटः । सर्वागममयो धीरो ज्ञानदो मुक्तिदः प्रभुः ॥१६॥

Verse

गौडदेशपरित्राता प्रेमानन्दप्रकाशकः । प्रेमानन्दरसानन्दी राधिकामन्त्रदो विभुः ॥१७॥

Verse

सर्वमन्त्रस्वरूपश्च कृष्णपर्यङ्कसुन्दरः । रसज्ञो रसदाता च रसभोक्ता रसाश्रयः ॥१८॥

Verse

ब्रह्मेशादिमहेन्द्राद्यवन्दितश्रीपदाम्बुजः । सहस्रमस्तकोपेतो रसातलसुधाकरः ॥१९॥

Verse

क्षीरोदार्णवसम्भूतः कुण्डलैकावतंसकः । रक्तोपलधरः शुभ्रो नारायणपरायणः ॥२०॥

Verse

अपारमहिमानन्तो नृदोषादर्शनः सदा । दयालुर्दुर्गतित्राता कृतान्तो दुष्टदेहिनाम् ॥२१॥

Verse

मञ्जुदाशरथिर्वीरो लक्ष्मणः सर्ववल्लभः । सदोज्ज्वलो रसानन्दी वृन्दावनरसप्रदः ॥२२॥

Verse

पूर्णप्रेमसुधासिन्धुर्नाट्यलीलाविशारदः । कोटीन्दुवैभवः श्रीमान् जगदाह्लादकारकः ॥२३॥

Verse

गोपालः सर्वपालश्च सर्वगोपावतंसकः । माघे मासि सिते पक्षे त्रयोदश्यां तिथौ सदा ॥२४॥

Verse

उपोषणं पूजनं च श्रीनित्यानन्दवासरे । यद्यत् सः कुरुते कामं तत्तदेव लभेन्नरः ॥२५॥

Verse

असाध्यरोगयुक्तोऽपि मुच्यते गदभीषणात् । अपुत्रः साधुपुत्रं च लभते नात्र संशयः ॥२६॥

Verse

नित्यानन्दस्वरूपस्य नाम्नामष्टोत्तरं शतम् । यः पठेत् प्रातरुत्थाय स लभेद्वाञ्छितं ध्रुवम् ॥२७॥

Verse

इति सार्वभौम भट्टाचार्यविरचितं नित्यानन्दाष्टोत्तरशतनामस्तोत्रं सम्पूर्णम् ।

nārāyaṇāṣṭottaraśatanāmastotram
śrīnimbārkāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms