aSTottaranAma
kārtikeyaśatāṣṭanāmastotram
कार्तिकेयशताष्टनामस्तोत्रम्
Verse
(शिवरहस्यान्तर्गते ईशाख्ये) (विष्णुब्रह्मादयो देवाः कृतम्) षण्मुखः सुमुखस्त्राता लेखसेनापतिः प्रभुः ॥५३॥
Verse
शक्तिहस्तो दुराधर्षो वीतिहोत्राङ्गजो बली । क्रौञ्चाद्रिमथनो योगी सुब्रह्मण्यो मखेडितः ॥५४॥
Verse
गाङ्गेयो वैद्युतोऽमोघस्तारकान्तकरो रविः । महासेनो देववैद्यः प्रणवार्थप्रकाशकः ॥५५॥
Verse
महासेनः शरवणोद्भवो भवसुतोऽनघः । विनायकानुजः श्रीमान् शूरसंहारकारकः ॥५६॥
Verse
सेनानीर्दुर्दुरो वीरो गर्भो विश्वपतिः कविः । गुरुर्हरिहयः शास्ता शरासनकरः शरी ॥५७॥
Verse
व्यापकोऽनन्तशक्तिः सुकुमारः प्रोज्ज्वलाङ्गकः । वीराबाहुर्गणाध्यक्षस्त्र्यक्षप्रीतो विशारदः ॥५८॥
Verse
कान्तः शान्तो जितारातिरुमाकान्तात्मजोऽपरः । वल्लीपतिर्जितारातिः कुक्कुटोत्तमकेतनः ॥५९॥
Verse
शिवलिङ्गार्चनप्रीतो गन्धपुष्पाद्यलङ्कृतः । मुकुटी चाङ्गदी चक्री गदी शङ्खी शिखी जटी ॥६०॥
Verse
सनातनपरस्तारस्तारकस्तारकान्तकृत् । संवर्तो यौवनी(?) वीरो बालो लीलाविनोदकृत् ॥६१॥
Verse
प्रसन्नाक्षः पङ्कजाक्षः शम्बरः शम्बरप्रियः । सुपल्लवः शिवो धन्वी खड्गखेटधरः स्तुतः ॥६२॥
Verse
विश्वप्रियोऽनन्तशक्तिः सुराध्यक्षो दुरासदः । प्रमोदो मेघदमनः शक्रपूज्यः शतक्रतुः ॥६३॥
Verse
कृत्तिकासूनुरमलः कृत्तिवासःप्रियो विराट् । स्वाहाप्रियः कार्तिकेयो हरणो वेगवत्तरः ॥६४॥
Verse
स्वर्णवर्णः पारिभद्रस्ताम्रस्तारणकारकः । सुपुष्करमहामालो ललिताङ्गः सुरावनः ॥६५॥
Verse
यशस्करोऽमरपरो गीतवान् तत्प्रियोऽर्तिहा । वीरभद्रमहागर्वस्तम्भनस्तत्परः सखा ॥६६॥
Verse
निरञ्जनो निराधारः शक्रसेनापतिर्वटुः । ब्रह्मचारी गिरिचरः सर्परूपो दुरासदः ॥६७॥
Verse
षष्ठीप्रीतः कुमारश्च स्मरस्मेरास्यसुन्दरः । विज्ञानदः शिवो ज्ञानी शिवभक्तशिरोमणिः ॥६८॥
Verse
॥ इति शिवरहस्यान्तर्गते कार्तिकेयशताष्टनामस्तोत्रं सम्पूर्णम् ॥
