Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

śrīrāmacandrāṣṭakam

श्रीरामचन्द्राष्टकम्

Verse

सुग्रीवमित्रं परमं पवित्रं सीताकलत्रं नवमेघगात्रम् । कारुण्यपात्रं शतपत्रनेत्रं श्रीरामचन्द्रं सततं नमामि ॥१॥

Verse

संसारसारं निगमप्रचारं धर्मावतारं हृतभूरिभारम् । सदा निर्विकारं सुखसिन्धुसारं श्रीरामचन्द्रं सततं नमामि ॥२॥

Verse

लक्ष्मीविलासं जगतां निवासं भूदेववासं शरदिन्दुहासम् । लंकाविनाशं भुवनप्रकाशं श्रीरामचन्द्रं सततं नमामि ॥३॥

Verse

मन्दारमालं वचने रसालं गुणैर्विशालं हृतसप्ततालम् । क्रव्यादकालं सुरलोकपालं श्रीरामचन्द्रं सततं नमामि ॥४॥

Verse

श्यामाभिरामं नयनाभिरामं गुणाभिरामं वचनाभिरामम् । विश्वप्रणामं कृतभक्तकामं श्रीरामचन्द्रं सततं नमामि ॥५॥

Verse

वेदान्तवेद्यं सकलैश्चमान्यं हृतारिमानं क्रतुषु प्रधानम् । गजेन्द्रपालं विगताभिमानं श्रीरामचन्द्रं सततं नमामि ॥६॥

Verse

लीलाशरीरं रणरङ्गधीरं विश्वैकवीरं रघुवंशधीरम् । गंभीरनादं जितसर्ववादं श्रीरामचन्द्रं सततं नमामि ॥७॥

Verse

अघेऽतिभीतं सुजने विनीतं तमोविहीनं मनुवंशदीपम् । ताराप्रगीतं व्यसने च मित्रं श्रीरामचन्द्रं सततं नमामि ॥८॥

Verse

रामचन्द्राष्टकं पुण्यं प्रातरुत्थाय यः पठेत् । कोटिजन्मकृतं तस्य पापं सद्यो विनश्यति ॥९॥

śrīśivāṣṭakam
śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms