Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

śrīrājarājeśvaryaṣṭakam

श्रीराजराजेश्वर्यष्टकम्

Verse

अम्बा शाम्भवि चन्द्रमौलिरबलाऽपर्णा उमा पार्वती काली हैमवती शिवा त्रिनयनी कात्यायनी भैरवी । सावित्री नवयौवना शुभकरी साम्राज्यलक्ष्मीप्रदा चिद्रूपी परदेवता भगवती श्रीराजराजेश्वरी ॥१॥

Verse

अम्बा मोहिनि देवता त्रिभुवनी आनन्दसन्दायिनी वाणी पल्लवपाणि वेणुमुरलीगानप्रिया लोलिनी । कल्याणी उडुराजबिम्बवदना धूम्राक्षसंहारिणी चिद्रूपी परदेवता भगवती श्रीराजराजेश्वरी ॥२॥

Verse

अम्बा नूपुररत्नकङ्कणधरी केयूरहारावली जातीचंपकवैजयन्तिलहरी ग्रैवेयवैराजिता । वीणावेणुविनोदमण्डितकरा वीरासनासंस्थिता चिद्रूपी परदेवता भगवती श्रीराजराजेश्वरी ॥३॥

Verse

अम्बा रौद्रिणि भद्रकालि बगला ज्वालामुखी वैष्णवी ब्रह्माणी त्रिपुरान्तकी सुरनुता देदीप्यमानोज्ज्वला । चामुण्डा श्रितरक्षपोषजननी दाक्षायणी वल्लवी चिद्रूपी परदेवता भगवती श्रीराजराजेश्वरी ॥४॥

Verse

अम्बा शूलधनुःकुशाङ्कुशधरी अर्द्धेन्दुबिम्बाधरी वाराही मधुकैटभप्रशमनी वाणीरमासेविता । मल्लाद्यासुरमूकदैत्यदमनी माहेश्वरी चाम्बिका चिद्रूपी परदेवता भगवती श्रीराजराजेश्वरी ॥५॥

Verse

अम्बा सृष्टिविनाशपालनकरी आर्या विसंशोभिता गायत्री प्रणवाक्षरामृतरसा पूर्णानुसन्धीकृता । ओङ्कारी विनतासुतार्चितपदा उद्दण्डदैत्यापहा चिद्रूपी परदेवता भगवती श्रीराजराजेश्वरी ॥६॥

Verse

अम्बा शाश्वती आगमादिविनुता आर्या महादेवता या ब्रह्मादिपिपीलिकान्तजननी या वै जगन्मोहिनी । या पञ्चप्रणवादिरेफजननी या चित्कलामालिनी चिद्रूपी परदेवता भगवती श्रीराजराजेश्वरी ॥७॥

Verse

अम्बापालितभक्तराजदनिशं अम्बाष्टकं यः पठेत् अम्बा लोलकटाक्षवीक्षललितं चैश्वर्यमव्याहतम् । अम्बा पावन मन्त्रराजपठनादन्ते च मोक्षप्रदा चिद्रूपी परदेवता भगवती श्रीराजराजेश्वरी ॥८॥

skandapurāṇāntargatam
śrīmīnākṣīmaṇimālāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms