Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

śrīmadanamohanāṣṭakam

श्रीमदनमोहनाष्टकम्

Verse

जय शंखगदाधर नीलकलेवर पीतपटाम्बर देहि पदम् । जय चन्दनचर्चित कुण्डलमण्डित कौस्तुभशोभित देहि पदम् ॥१॥

Verse

जय पंकजलोचन मारविमोहन पापविखण्डन देहि पदम् । जय वेणुनिनादक रासविहारक बङ्किमसुन्दर देहि पदम् ॥२॥

Verse

जय धीरधुरन्धरअद्भुतसुन्दर दैवतसेवित देहि पदम् । जय विश्वविमोहन मानसमोहन संस्थितिकारण देहि पदम् ॥३॥

Verse

जय भक्तजनाश्रय नित्यसुखालय अन्तिमबान्धव देहि पदम् । जय दुर्जनशासन केलिपरायण कालियमर्दन देहि पदम् ॥४॥

Verse

जय नित्यनिरामय दीनदयामय चिन्मय माधव देहि पदम् । जय पामरपावन धर्मपरायण दानवसूदन देहि पदम् ॥५॥

Verse

जय वेदविदांवर गोपवधूप्रिय वृन्दावनधन देहि पदम् । जय सत्यसनातन दुर्गतिभञ्जन सज्जनरञ्जन देहि पदम् ॥६॥

Verse

जय सेवकवत्सल करुणासागर वाञ्छितपूरक देहि पदम् । जय पूतधरातल देवपरात्पर सत्त्वगुणाकर देहि पदम् ॥७॥

Verse

जय गोकुलभूषण कंसनिषूदन सात्वतजीवन देहि पदम् । जय योगपरायण संसृतिवारण ब्रह्मनिरञ्जन देहि पदम् ॥८॥

śrī hanumadaṣṭakam
śrīsudhāghaṭeśāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms