aSTakam
śivāṣṭakaṃ 3
शिवाष्टकं ३
Verse
तस्मै नमः परमकारणकारणाय दीप्तोज्ज्वलज्वलितपिङ्गललोचनाय ॥
Verse
नागेन्द्रहारकृतकुण्डलभूषणाय ब्रह्मेन्द्रविष्णुवरदाय नमः शिवाय ॥१॥
Verse
श्रीमत्प्रसन्नशशिपन्नगभूषणाय शैलेन्द्रजा वदन चुम्बितलोचनाय ॥
Verse
कैलासमन्दिरमहेन्द्रनिकेतनाय लोकत्रयार्तिहरणाय नमः शिवाय ॥२॥
Verse
पद्मावदातमणिकुण्डलगोवृषाय कृष्णागरुप्रचुरचन्दनचर्चिताय ॥
Verse
भस्मानुषक्तविकचोत्पलमल्लिकाय नीलाब्जकण्ठसदृशाय नमः शिवाय ॥३॥
Verse
लम्बत्सपिङ्गल जटामुकुटोत्कटाय दंष्ट्राकरालविकटोत्कटभैरवाय ॥
Verse
व्याघ्राजिनाम्बरधराय मनोहराय त्रैलोक्यनाथ नमिताय नमः शिवाय ॥४॥
Verse
दक्षप्रजापतिमहामखनाशनाय क्षिप्रं महात्रिपुरदानवघातनाय ॥
Verse
ब्रह्मोर्जितोर्ध्वगकरोटिनिकृन्तनाय योगाय योगनमिताय नमः शिवाय ॥५॥
Verse
संसारसृष्टिघटनापरिवर्तनाय रक्षः पिशाचगणसिद्धसमाकुलाय ॥
Verse
सिद्धोरगग्रह गणेन्द्रनिषेविताय शार्दूल चर्मवसनाय नमः शिवाय ॥६॥
Verse
भस्माङ्गरागकृतरूपमनोहराय सौम्यावदातवनमाश्रितमाश्रिताय ॥
Verse
गौरीकटाक्षनयनार्ध निरीक्षणाय गोक्षीरधारधवलाय नमः शिवाय ॥७॥
Verse
आदित्यसोमवरुणानिलसेविताय यज्ञाग्निहोत्रवरधूमनिकेतनाय ॥
Verse
ऋक्सामवेदमुनिभिः स्तुतिसंयुताय गोपाय गोपनमिताय नमः शिवाय ॥८॥
Verse
शिवाष्टकमिदं पुण्यं यः पठेत् शिवसन्निधौ शिवलोकमवाप्नोति शिवेन सह मोदते ॥
Verse
श्री शंकराचार्यकृतं शिवाष्टकं सम्पूर्णम् ।
