aSTakam
śikṣāṣṭakaṃ
शिक्षाष्टकं
Verse
चेतो-दर्पण-मार्जनं भव-महा-दावाग्नि-निर्वापणं श्रेयः कैरव-चन्द्रिका-वितरणं विद्या-वधू-जीवनम् |
Verse
आनन्द-अम्बुधि-वर्धनं प्रति-पदं पूर्णामृतास्वादनं सर्वात्मस्नपनं परं विजयते श्रीकृष्ण संकीर्तनम् || १ ||
Verse
नाम्नां अकारि बहुधा निज-सर्व-शक्तिः तत्रार्पिता नियमितः स्मरणे न कालः |
Verse
एतादृशी तव कृपा भगवन्-ममापि दुर्दैवम्-ईदृशम्-इहाजनि न-अनुरागः || २ ||
Verse
तृणादपि सुनीचेन तरोरपि सहिष्णुना . अमानिना मानदेन कीर्तनीयः सदा हरिः || ३ ||
Verse
न-धनं न-जनं न-सुन्दरीम् कवितां वा जगदीश कामये |
Verse
मम जन्मनि जन्मनि ईश्वरे भवताद् भक्तिः अहैतुकी त्वयि || ४ ||
Verse
अयि नन्द-तनूज किंकरम् पतितं मां विषमे-भव-अम्बुधौ |
Verse
कृपया तव पाद-पंकज- स्थित धूलि-सदृशं विचिंतय || ५ ||
Verse
नयनं गलद्-अश्रु-धारया वदनं गद्गद-रुद्धया गिरा |
Verse
पुलकैर् निचितं वपुः कदा तव नाम-ग्रहणे भविष्यति || ६ ||
Verse
युगायितं निमेषेण चक्षुषा प्रावृषायितम् |
Verse
शून्यायितं जगत् सर्वं गोविन्द-विरहेण मे || ७ ||
Verse
आश्लिष्य वा पाद-रतां पिनष्टु माम्-अदर्शनान् मर्म-हतां करोतु वा |
Verse
यथा तथा वा विदधातु लंपटः मत्-प्राण-नाथस् तु स एव न-अपरः || ८ ||
Verse
शिक्षाष्टक ( चैतन्यमहाप्रभु)
