Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

mahālakṣmyaṣṭakaṃ

महालक्ष्म्यष्टकं

Verse

नमस्तेऽस्तु महामाये श्रीपीठे सुरपूजिते | शङ्खचक्रगदाहस्ते महालक्ष्मि नमोऽस्तुते ॥१॥

Verse

नमस्ते गरुडारूढे कोलासुरभयङ्करि | सर्वपापहरे देवि महालक्ष्मि नमोऽस्तुते ॥२॥

Verse

सर्वज्ञे सर्ववरदे सर्वदुष्टभयङ्करि | सर्वदुःखहरे देवि महालक्ष्मि नमोऽस्तुते ॥३॥

Verse

सिद्धिबुद्धिप्रदे देवि भुक्तिमुक्तिप्रदायिनि | मन्त्रपूते सदा देवि महालक्ष्मि नमोऽस्तुते ॥४॥

Verse

आद्यन्तरहिते देवि आद्यशक्तिमहेश्वरि | योगजे योगसम्भूते महालक्ष्मि नमोऽस्तुते ॥५॥

Verse

स्थूलसूक्ष्ममहारौद्रे महाशक्तिमहोदरे | महापापहरे देवि महालक्ष्मि नमोऽस्तुते ॥६॥

Verse

पद्मासनस्थिते देवि परब्रह्मस्वरूपिणि | परमेशि जगन्मातर्महालक्ष्मि नमोऽस्तुते ॥७॥

Verse

श्वेताम्बरधरे देवि नानालङ्कारभूषिते | जगत्स्थिते जगन्मातर्महालक्ष्मि नमोऽस्तुते ॥८॥

Verse

महालक्ष्म्यष्टकं स्तोत्रं यः पठेद्भक्तिमान्नरः | सर्वसिद्धिमवाप्नोति राज्यं प्राप्नोति सर्वदा ॥९॥

Verse

एककाले पठेन्नित्यं महापापविनाशनम् | द्विकालं यः पठेन्नित्यं धनधान्यसमन्वितः ॥१०॥

Verse

त्रिकालं यः पठेन्नित्यं महाशत्रुविनाशनम् | महालक्ष्मिर्भवेन्नित्यं प्रसन्ना वरदा शुभा ॥११॥

Verse

॥ इति महालक्ष्म्यष्टकं ॥

rājarājeśvaryaṣṭakam
mahāmāyāṣṭakam

Read next

More on महालक्ष्म्यष्टकं

  • महालक्ष्म्यष्टकंAshtakam
  • महालक्ष्म्यष्टकम्Stotra

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms