aSTakam
madanamohanāṣṭakam
मदनमोहनाष्टकम्
Verse
जय शङ्खगदाधर नीलकलेवर पीतपटाम्बर देहि पदम् । जय चन्दनचर्चित कुण्डलमण्डित कौस्तुभशोभित देहि पदम् ॥१॥
Verse
जय पङ्कजलोचन मारविमोहन पापविखण्डन देहि पदम् । जय वेणुनिनादक रासविहारक वङ्किम सुन्दर देहि पदम् ॥२॥
Verse
जय धीरधुरन्धर अद्भुतसुन्दर दैवतसेवित देहि पदम् । जय विश्वविमोहन मानसमोहन संस्थितिकारण देहि पदम् ॥३॥
Verse
जय भक्तजनाश्रय नित्यसुखालय अन्तिमबान्धव देहि पदम् । जय दुर्जनशासन केलिपरायण कालियमर्दन देहि पदम् ॥४॥
Verse
जय नित्यनिरामय दीनदयामय चिन्मय माधव देहि पदम् । जय पामरपावन धर्मपरायण दानवसूदन देहि पदम् ॥५॥
Verse
जय वेदविदांवर गोपवधूप्रिय वृन्दावनधन देहि पदम् । जय सत्यसनातन दुर्गतिभञ्जन सज्जनरञ्जन देहि पदम् ॥६॥
Verse
जय सेवकवत्सल करुणासागर वाञ्छितपूरक देहि पदम् । जय पूतधरातल देवपरात्पर सत्त्वगुणाकर देहि पदम् ॥७॥
Verse
जय गोकुलभूषण कंसनिषूदन सात्वतजीवन देहि पदम् । जय योगपरायण संसृतिवारण ब्रह्मनिरञ्जन देहि पदम् ॥८॥
Verse
॥ इति श्रीमदनमोहनाष्टकं सम्पूर्णम् ॥
