Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

bālāmbikāṣṭakam

बालाम्बिकाष्टकम्

Verse

वेलातिलङ्घ्यकरुणे विबुधेन्द्रवन्द्ये लीलाविनिर्मितचराचरहृन्निवासे । मालाकिरीटमणिकुण्डल मण्डिताङ्गे बालाम्बिके मयि निधेहि कृपाकटाक्षम् ॥१॥

Verse

कंजासनादिमणिमञ्जुकिरीटकोटि प्रत्युप्तरत्नरुचिरञ्जितपादपद्मे । मञ्जीरमञ्जुलविनिर्जितहंसनादे बालाम्बिके मयि निधेहि कृपाकटाक्षम् ॥२॥

Verse

प्रालेयभानुकलिकाकलितातिरम्ये पादाग्रजावलिविनिर्जितमौक्तिकाभे । प्राणेश्वरि प्रमथलोकपतेः प्रगल्भे बालाम्बिके मयि निधेहि कृपाकटाक्षम् ॥३॥

Verse

जङ्घादिभिर्विजितचित्तजतूणिभागे रम्भादिमार्दवकरीन्द्रकरोरुयुग्मे । शंपाशताधिकसमुज्वलचेललीले बालाम्बिके मयि निधेहि कृपाकटाक्षम् ॥४॥

Verse

माणिक्यमौक्तिकविनिर्मितमेखलाढ्ये मायाविलग्नविलसन्मणि पट्टबन्धे । लोलंबराजिविलसन्नवरोमजाले बालाम्बिके मयि निधेहि कृपाकटाक्षम् ॥५॥

Verse

न्यग्रोधपल्लवतलोदरनिम्ननाभे निर्धूतहारविलसत्कुचचक्रवाके । निष्कादिमञ्जुमणिभूषणभूषिताङ्गे बालाम्बिके मयि निधेहि कृपाकटाक्षम् ॥६॥

Verse

कन्दर्पचापमदभङ्गकृतातिरम्ये भ्रूवल्लरीविविधचेष्टित रम्यमाने । कन्दर्पसोदरसमाकृतिफालदेशे बालाम्बिके मयि निधेहि कृपाकटाक्षम् ॥७॥

Verse

मुक्तावलीविलसदूर्जितकम्बुकण्ठे मन्दस्मिताननविनिर्जितचन्द्रबिम्बे । भक्तेष्टदाननिरतामृतपूर्णदृष्टे बालाम्बिके मयि निधेहि कृपाकटाक्षम् ॥८॥

Verse

कर्णावलम्बिमणिकुण्डलगण्डभागे कर्णान्तदीर्घनवनीरजपत्रनेत्रे । स्वर्णायकादिमणिमौक्तिकशोभिनासे बालाम्बिके मयि निधेहि कृपाकटाक्षम् ॥९॥

Verse

लोलम्बराजिललितालकजालशोभे मल्लीनवीनकलिकानवकुन्दजाले । बालेन्दुमञ्जुलकिरीटविराजमाने बालाम्बिके मयि निधेहि कृपाकटाक्षम् ॥१०॥

Verse

बालाम्बिके महाराज्ञी वैद्यनाथप्रियेश्वरी । पाहि मामम्ब कृपया त्वत्पादं शरणं गतः ॥११॥

Verse

॥ इति स्कान्दे वैद्यनाथमाहात्म्ये श्रीबालाम्बिकाष्टकस्तोत्रं संपूर्णम् ॥

gurvaṣṭakaṃ
bhāvanāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms