Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

patañjalikṛtam

पतञ्जलिकृतम्

Verse

सुवर्णपद्मिनीतटान्तदिव्यहर्म्यवासिने सुपर्णवाहनप्रियाय सूर्यकोटितेजसे । अपर्णया विहारिणे फणाधरेन्द्रधारिणे सदा नमश्शिवाय ते सदाशिवाय शंभवे ॥१॥

Verse

सतुङ्गभङ्गजह्नुजासुधांशुखण्डमौलये पतङ्गपङ्कजासुहृत्कृपीटयोनिचक्षुषे । भुजङ्गराजमण्डनाय पुण्यशालिबन्धवे सदा नमश्शिवाय ते सदाशिवाय शंभवे ॥२॥

Verse

चतुर्मुखाननारविन्दवेदगीतभूतये चतुर्भुजानुजाशरीरशोभमानमूर्तये । चतुर्विधार्थदानशौण्ड ताण्डवस्वरूपिणे सदा नमश्शिवाय ते सदाशिवाय शंभवे ॥३॥

Verse

शरन्निशाकरप्रकाशमन्दहासमन्जुला- धरप्रवालभासमानवक्त्रमण्डलश्रिये । करस्फुरत्कपालमुक्तविष्णुरक्तपायिने सदा नमश्शिवाय ते सदाशिवाय शंभवे ॥४॥

Verse

सहस्रपुण्डरीकपूजनैकशून्यदर्शनात् सहस्रनेत्रकल्पितार्चनाच्युताय भक्तितः । सहस्रभानुमण्डलप्रकाशचक्रदायिने सदा नमश्शिवाय ते सदाशिवाय शंभवे ॥५॥

Verse

रसारथाय रम्यपत्रभृद्रथाङ्गपाणये रसाधरेन्द्रचापशिञ्जिनीकृतानिलाशिने । स्वसारथीकृताब्जयोनिनुन्नवेदवाजिने सदा नमश्शिवाय ते सदाशिवाय शंभवे ॥६॥

Verse

अतिप्रगल्भवीरभद्रसिंहनादगर्जित- श्रुतिप्रभीतदक्षयागभागिनाकसद्मनाम् । गतिप्रदाय गर्जिताखिलप्रपञ्चसाक्षिणे सदा नमश्शिवाय ते सदाशिवाय शंभवे ॥७॥

Verse

मृकण्डुसूनुरक्षणावधूतदण्डपाणये सुगण्डमण्डलस्फुरत्प्रभाजितामृतांशवे । अखण्डभोगसंपदर्थलोकभावितात्मने सदा नमश्शिवाय ते सदाशिवाय शंभवे ॥८॥

Verse

मधुरिपुविधिशक्रमुख्यदेवै- रपि नियमार्चितपादपङ्कजाय । कनकगिरिशरासनाय तुभ्यं रजतसभापतये नमः शिवाय ॥९॥

varuṇakṛtam
śrī śaṃkarācāryakṛtam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms