Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

veda sUktAni

vaiśvadevamantrāḥ

वैश्वदेवमन्त्राः

Verse

(तैत्तिरीयारण्यकम्/प्रपाठकः – १०/अनुवाकः – ६७) अ॒ग्नये॒ स्वाहा᳚। विश्वे᳚भ्यो दे॒वेभ्यः॒ स्वाहा᳚। ध्रु॒वाय॑ भू॒माय॒ स्वाहा᳚। ध्रु॒व॒क्षित॑ये॒ स्वाहा᳚। अ॒च्यु॒त॒क्षित॑ये॒ स्वाहा᳚। अ॒ग्नये᳚ स्विष्ट॒कृते॒ स्वाहा᳚॥ धर्मा॑य॒ स्वाहा᳚। अध॑र्माय॒ स्वाहा᳚। अ॒द्भ्यः स्वाहा᳚। ओ॒ष॒धि॒व॒न॒स्प॒तिभ्यः॒ स्वाहा᳚॥१॥ र॒क्षो॒दे॒व॒ज॒नेभ्यः॒ स्वाहा᳚। गृह्या᳚भ्यः॒ स्वाहा᳚। अ॒व॒साने᳚भ्यः॒ स्वाहा᳚। अ॒व॒सान॑पतिभ्यः॒ स्वाहा᳚। स॒र्व॒भू॒तेभ्यः॒ स्वाहा᳚। कामा॑य॒ स्वाहा᳚। अ॒न्तरि॑क्षाय॒ स्वाहा᳚। यदेज॑ति॒ जग॑ति॒ यच्च॒ चेष्ट॑ति॒ नाम्नो॑ भा॒गोऽयं नाम्ने॒ स्वाहा᳚। पृ॒थि॒व्यै स्वाहा᳚। अ॒न्तरि॑क्षाय॒ स्वाहा᳚॥२॥ दि॒वे स्वाहा᳚। सूर्या॑य॒ स्वाहा᳚। च॒न्द्रम॑से॒ स्वाहा᳚। नक्ष॑त्रेभ्यः॒ स्वाहा᳚। इन्द्रा॑य॒ स्वाहा᳚। बृह॒स्पत॑ये॒ स्वाहा᳚। प्र॒जाप॑तये॒ स्वाहा᳚। ब्रह्म॑णे॒ स्वाहा᳚। स्व॒धा पि॒तृभ्यः॒ स्वाहा᳚। नमो॑ रु॒द्राय॑ पशु॒पत॑ये॒ स्वाहा᳚॥३॥ दे॒वेभ्यः॒ स्वाहा᳚। पि॒तृभ्यः॑ स्व॒धाऽस्तु॑। भू॒तेभ्यो॒ नमः॑। म॒नु॒ष्ये᳚भ्यो॒ हन्ता᳚। प्र॒जाप॑तये॒ स्वाहा᳚। प॒र॒मे॒ष्ठिने॒ स्वाहा᳚। यथा कू॑पः श॒तधा॑रः स॒हस्र॑धारो॒ अक्षि॑तः। ए॒वा मे॑ अस्तु धा॒न्यꣳ स॒हस्र॑धार॒मक्षि॑तम्। धन॑धान्यै॒ स्वाहा᳚। ये भू॒ताः प्र॒चर॑न्ति॒ दिवा॒नक्तं॒ बलि॑मि॒च्छन्तो॑ वि॒तुद॑स्य॒ प्रेष्याः᳚। तेभ्यो॑ ब॒लिं पु॑ष्टि॒कामो॑ हरामि॒ मयि॒ पुष्टिं॒ पुष्टि॑पतिर्दधातु॒ स्वाहा᳚॥४॥

Verse

॥ॐ शान्तिः॒ शान्तिः॒ शान्तिः॑॥

udakaśānti-mantrāḥ
yajurveda-upākarma

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms