stotrasangraha
kṛṣṇadvādaśanāmastotram
कृष्णद्वादशनामस्तोत्रम्
Verse
शृणुध्वं मुनयः सर्वे गोपालस्य महात्मनः । अनन्तस्याप्रमेयस्य नामद्वाशकं स्तवम् ॥
Verse
अर्जुनाय पुरा गीतं गोपालेन महात्मना । द्वारकायां प्रार्थयते यशोदायाश्च सन्निधौ ॥
Verse
जानुभ्यामपि धावन्तं बाहुभ्यामतिसुन्दरम् । सकुण्डलालकं बालं गोपालं चिन्तयेदुषः ॥
Verse
प्रथमं तु हरिं विद्याद् द्वितीयं केशवं तथा । तृतीयं पद्मनाभं तु चतुर्थं वामनं तथा ॥१॥
Verse
पञ्चमं वेदगर्भं च षष्ठं तु मधुसूदनम् । सप्तमं वासुदेवं च वराहं चाष्टमं तथा ॥२॥
Verse
नवमं पुण्डरीकाक्षं दशमं तु जनार्दनम् । कृष्णमेकादशं प्रोक्तं द्वादशं श्रीधरं तथा ॥३॥
Verse
एतद् द्वादशनामानि मया प्रोक्तानि फाल्गुन । कालत्रये पठेद् यस्तु तस्य पुण्यफलं शृणु ॥४॥
Verse
चान्द्रायणसहस्रस्य कन्यादानशतस्य च । अश्वमेधसहस्रस्य फलमाप्नोति मानवः ॥५॥
Verse
॥इति श्री-कृष्णद्वादशनामस्तोत्रं सम्पूर्णम्॥
