Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

śrīsudarśanakavacam

श्रीसुदर्शनकवचम्

Verse

प्रसीद भगवन् ब्रह्मन् सर्वमन्त्रज्ञ नारद । सौदर्शनं तु कवचं पवित्रं ब्रूहि तत्त्वतः ॥१॥

Verse

नारदः -- श्रुणुश्वेह द्विजश्रेष्ट पवित्रं परमाद्भुतम् । सौदर्शनं तु कवचं दृष्टाऽदृष्टार्थ साधकम् ॥२॥

Verse

कवचस्यास्य ऋषिर्ब्रह्मा छन्दोनुष्टुप् तथा स्मृतम् । सुदर्शन महाविष्णुर्देवता सम्प्रचक्षते ॥३॥

Verse

ह्रां बीजं शक्ति रद्रोक्ता ह्रीं क्रों कीलकमिष्यते । शिरः सुदर्शनः पातु ललाटं चक्रनायकः ॥४॥

Verse

घ्राणं पातु महादैत्य रिपुरव्यात् दृशौ मम । सहस्रारः श‍ृतिं पातु कपोलं देववल्लभः ॥५॥

Verse

विश्वात्मा पातु मे वक्त्रं जिह्वां विद्यामयो हरिः । कण्ठं पातु महाज्वालः स्कन्धौ दिव्यायुधेश्वरः ॥६॥

Verse

भुजौ मे पातु विजयी करौ कैटभनाशनः । षट्कोण संस्थितः पातु हृदयं धाम मामकम् ॥७॥

Verse

मध्यं पातु महावीर्यः त्रिनेत्रो नाभिमण्डलम् । सर्वायुधमयः पातु कटिं श्रोणिं महाध्युतिः ॥८॥

Verse

सोमसूर्याग्नि नयनः ऊरु पातु च ममकौ । गुह्यं पातु महामायः जानुनी तु जगत्पतिः ॥९॥

Verse

जङ्घे पातु ममाजस्रं अहिर्बुध्न्यः सुपूजितः । गुल्फौ पातु विशुद्धात्मा पादौ परपुरञ्जयः ॥१०॥

Verse

सकलायुध सम्पूर्णः निखिलाङ्गं सुदर्शनः । य इदं कवचं दिव्यं परमानन्द दायिनम् ॥११॥

Verse

सौदर्शनमिदं यो वै सदा शुद्धः पठेन् नरः । तस्यार्थ सिद्धिर्विपुला करस्था भवति ध्रुवम् ॥१२॥

Verse

कूष्माण्ड चण्ड भूताध्याः येच दुष्टाः ग्रहाः स्मृताः । पलायन्तेऽनिशं पीताः वर्मणोस्य प्रभावतः ॥१३॥

Verse

कुष्टापस्मार गुल्माद्याः व्यादयः कर्महेतुकाः । नश्यन्त्येतन् मन्त्रिताम्बु पानात् सप्त दिनावधि ॥१४॥

Verse

अनेन मन्त्रिताम्मृत्स्नां तुलसीमूलः संस्थिताम् । ललाटे तिलकं कृत्वा मोहयेत् त्रिजगन् नरः ॥१५॥

Verse

इति श्रीभृगुसंहितोक्त श्रीसुदर्शन कवचं सम्पूर्णम् ॥

śrīsītākavacam
śrīsudarśanakavacam

Read next

More on श्रीसुदर्शनकवचम्

  • श्रीसुदर्शनकवचम्Kavach
  • श्रीसुदर्शनकवचम्Kavach

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms