Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

śrīlakṣmīkavacam tantrokta

श्रीलक्ष्मीकवचम् तन्त्रोक्त

Verse

श्रीगणेशाय नमः । ॐ अस्य श्रीलक्ष्मीकवचस्तोत्रस्य, श्रीईश्वरो देवता, अनुष्टुप् छन्दः, श्रीलक्ष्मीप्रीत्यर्थे पाठे विनियोगः । ॐ लक्ष्मी मे चाग्रतः पातु कमला पातु पृष्ठतः । नारायणी शीर्षदेशे सर्वाङ्गे श्रीस्वरूपिणी ॥१॥

Verse

रामपत्नी तु प्रत्यङ्गे सदाऽवतु शमेश्वरी। विशालाक्षी योगमाया कौमारी चक्रिणी तथा ॥२॥

Verse

जयदात्री धनदात्री पाशाक्षमालिनी शुभा । हरिप्रिया हरिरामा जयङ्करी महोदरी ॥३॥

Verse

कृष्णपरायणा देवी श्रीकृष्णमनमोहिनी । जयङ्करी महारौद्री सिद्धिदात्री शुभङ्करी ॥४॥

Verse

सुखदा मोक्षदा देवी चित्रकूटनिवासिनी । भयं हरतु भक्तानां भवबन्धं विमुच्यतु ॥५॥

Verse

कवचं तन्महापुण्यं यः पठेद्भक्तिसंयुतः । त्रिसन्ध्यमेकसन्ध्यं वा मुच्यते सर्वसङ्कटात् ॥६॥

Verse

एतत्कवचस्य पठनं धनपुत्रविवर्धनम् । भीतिर्विनाशनञ्चैव त्रिषु लोकेषु कीर्तितम् ॥७॥

Verse

भूर्जपत्रे समालिख्य रोचनाकुङ्कुमेन तु । धारणाद्गलदेशे च सर्वसिद्धिर्भविष्यति ॥८॥

Verse

अपुत्रो लभते पुत्र धनार्थी लभते धनम् । मोक्षार्थी मोक्षमाप्नोति कवचस्य प्रसादतः ॥९॥

Verse

गर्भिणी लभते पुत्रं वन्ध्या च गर्भिणी भवेत् । धारयेद्यपि कण्ठे च अथवा वामबाहुके ॥१०॥

Verse

यः पठेन्नियतं भक्त्या स एव विष्णुवद्भवेत् । मृत्युव्याधिभयं तस्य नास्ति किञ्चिन्महीतले ॥११॥

Verse

पठेद्वा पाठयेद्वाऽपि श‍ृणुयाच्छ्रावयेद्यदि । सर्वपापविमुक्तस्तु लभते परमां गतिम् ॥१२॥

Verse

सङ्कटे विपदे घोरे तथा च गहने वने । राजद्वारे च नौकायां तथा च रणमध्यतः ॥१३॥

Verse

पठनाद्धारणादस्य जयमाप्नोति निश्चितम् । अपुत्रा च तथा वन्ध्या त्रिपक्षं श‍ृणुयाद्यदि ॥१४॥

Verse

सुपुत्रं लभते सा तु दीर्घायुष्कं यशस्विनम् । श‍ृणुयाद्यः शुद्धबुद्ध्या द्वौ मासौ विप्रवक्त्रतः ॥१५॥

Verse

सर्वान्कामानवाप्नोति सर्वबन्धाद्विमुच्यते । मृतवत्सा जीववत्सा त्रिमासं श्रवणं यदि ॥१६॥

Verse

रोगी रोगाद्विमुच्येत पठनान्मासमध्यतः । लिखित्वा भूर्जपत्रे च अथवा ताडपत्रके ॥१७॥

Verse

स्थापयेन्नियतं गेहे नाग्निचौरभयं क्वचित् । श‍ृणुयाद्धारयेद्वापि पठेद्वा पाठयेदपि ॥१८॥

Verse

यः पुमान्सततं तस्मिन्प्रसन्नाः सर्वदेवताः । बहुना किमिहोक्तेन सर्वजीवेश्वरेश्वरी ॥१९॥

Verse

आद्या शक्तिर्महालक्ष्मीर्भक्तानुग्रहकारिणी । धारके पाठके चैव निश्चला निवसेद् ध्रुवम् ॥२०॥

Verse

॥ इति तन्त्रोक्तं लक्ष्मीकवचं सम्पूर्णम् ॥

śrīlakṣmaṇakavacam
śrīlakṣmīkavacam tantrokta

Read next

More on श्रीलक्ष्मीकवचम् तन्त्रोक्त

  • श्रीलक्ष्मीकवचम् तन्त्रोक्तKavach

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms