kavaca
śrīnāgarājakavacam
श्रीनागराजकवचम्
Verse
विनियोगः नागराजस्य देवस्य कवचं सर्वकामदम् । ऋषिरस्य महादेवो गायत्री छन्द ईरितः ॥
Verse
ताराबीजं शिवाशक्तिः क्रोधबीजस्तु कीलकः । देवता नागराजस्तु फणामणिविराजितः । सर्वकामार्थसिध्यर्थे विनियोगः प्रकीर्तितः ॥
Verse
(कवचम्) अनन्तो मे शिरः पातु कण्ठं सङ्कर्षणस्तथा । कर्कोटको नेत्रयुग्मं कपिलः कर्णयुग्मकम् ॥१॥
Verse
वक्षःस्थलं नागयक्षः बाहू कालभुजङ्गमः । उदरं धृतराष्ट्रश्च वज्रनागस्तु पृष्ठकम् ॥२॥
Verse
मर्माङ्गमश्वसेनस्तु पादावश्वतरोऽवतु । वासुकिः पातु मां प्राच्ये आग्नेयां तु धनञ्जयः ॥३॥
Verse
तक्षको दक्षिणे पातु नैरृत्यां शङ्खपालकः । महापद्मः प्रतीच्यां तु वायव्यां शङ्खनीलकः ॥४॥
Verse
उत्तरे कम्बलः पातु ईशान्यां नागभैरवः । ऊर्ध्वं चैरावतोऽधस्तात् नागभेतालनायकः । सदा सर्वत्र मां पातु नागलोकाधिनायकाः ॥५॥
Verse
इति श्रीनागराजकवचं सम्पूर्णम् ॥
