Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

kavaca

baṭukabhairavabrahmakavacarājaḥ athavā baṭukeśvarabrahmakavacaṃ athavā bhairavakavacarājaḥ

बटुकभैरवब्रह्मकवचराजः अथवा बटुकेश्वरब्रह्मकवचं अथवा भैरवकवचराजः

Verse

अथ विनियोगः - अस्य श्रीबटुकभैरवकवचराजस्य भैरवऋषिरनुष्टुप्छन्दः श्री बटुकभैरवो देवता मम बटुकभैरवप्रसाद सिध्यर्थे जपे विनियोगः । ॐ पातु शिरसि नित्यं पातु ह्रीं कण्ठदेशके । बटुकाय पातु नाभौ चापदुद्धारणाय च ॥१॥

Verse

कुरुद्वयं लिङ्गमूले त्वाधारे बटुकाय च । सर्वदा पातु ह्रीं बीजं बाह्वोर्युगलमेव च ॥२॥

Verse

षडङ्गसहितो देवो नित्यं रक्षतु भैरवः । ॐ ह्रीं बटुकाय सततं सर्वाङ्ग मम सर्वदा ॥३॥

Verse

ॐ ह्रीं पादौ महाकालः पातु वीरासनेहृदि । ॐ ह्रीं कालः शिरः पातु कण्ठदेशे तु भैरवः ॥४॥

Verse

गणराट् पातु जिह्वायामष्टभिः शक्तिभिः सह । दण्डपाणिर्गुह्यमूले भैरवीसहितस्तथा ॥५॥

Verse

विश्वनाथः सदा पातु सर्वाङ्गं मम सर्वदा । अन्नपूर्णा सदा पातु चांसौ रक्षतु चण्डिका ॥६॥

Verse

असिताङ्ग शिरः पातु ललाटं रुरुभैरवः । चण्डभैरवः पातु वक्त्रं कण्ठं श्रीक्रोधभैरवः ॥७॥

Verse

उन्मत्तभैरवः पातु हृदयं मम सर्वदा । नाभिदेशे कपाली च लिङ्गे भीषणभैरवः ॥८॥

Verse

संहारभैरवः पातु मूलाधारं च सर्वदा । बाहुयुग्मं सदा पातु भैरवो मम केवलम् ॥९॥

Verse

हंसबीजं पातु हृदि सोऽहं रक्षतु पादयोः । प्राणापानौ समानं च उदानं व्यानमेव च ॥१०॥

Verse

रक्षन्तु द्वारमूले तु दशदिक्षु समन्ततः । प्रणवः पातु सर्वाङ्गगं लज्जाबीजं महाभये ॥११॥

Verse

॥ इति श्रीब्रह्मकवचं भैरवस्य प्रकीर्तितम् ॥

Verse

(रुद्रयामलोक्तः) ॥

śrībaṭukabhairavabrahmakavacam
balarāmakavacam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms