kavaca
aiśvaryadāyakaṃ baṭukabhairavakavacam
ऐश्वर्यदायकं बटुकभैरवकवचम्
Verse
अस्य श्रीबटुकभैरवकवचस्य शिवब्रह्मऋषिरनुष्टुप् छन्दः श्रीबटुकभैरवो देवता ममैश्वर्यस्याभिष्टद्धयर्थं श्रीबटुकभैरवः प्रसादसिद्धये जपे विनियोगः । ध्यानं - दिग्वासरां कमलपत्रविशालनेत्रं भस्माङ्गरागमभयं प्रभुमादिदेवम् । ध्यायामि तं बटुकनाथमहर्निशं मे सर्वार्थसिद्धिमतुलां कृपया दिशन्तम् ॥
Verse
कवचपाठः - शिरो मे भैरवः पातु भालं पुरनिषूदनः । दृशौ पातु त्रिनेत्री मे श्रवणं नीलकण्ठकः ॥१॥
Verse
दिग्वासा मे पातु कण्ठं नासिकाभगकन्यभाक् । ओष्ठौ त्रिपुरधाती मे जिह्वां पातु कपालधृक् ॥२॥
Verse
दन्तान् पातु क्रतुध्वंसी चिबुकं भूतवासकः । कपाली पातु मे ग्रीवां स्कन्धौ पातु गजान्तकः ॥३॥
Verse
भुजौ मे पातु कौमारो हृदयं क्षेत्रपालकः । अभीरुर्मे स्तनौ पातु वक्षः पातु महेश्वरः ॥४॥
Verse
कुक्षौ मे पातु संहर्त्ता नाभिं मे षण्मुखप्रियः । भूतनाथः कटिं पातु गुह्यं पातु जटाधरः ॥५॥
Verse
ऊरू पातु वृषारूढो जानुनी भूतभावनः । शमशानवासी मे पातु पातु सर्वाङ्गमीश्वरः ॥६॥
Verse
॥ इति ऐश्वर्यदायकं बटुकभैरवकवचं सम्पूर्णम् ॥
