dohAvalI
rāga śrīrāga vilambita
राग श्रीराग विलम्बित
Verse
बिनती सुण म्हारी, सुमरो सुखकारी हरिके नामनै ॥
Verse
भटकत फिरयो जूण चौरासी लाख महा दुखदाई । बिन कारण कर दया नाथ फिर मिनख देह बकसाई ॥
Verse
गरभमायँ माताके आकर पाया दुःख अनेक । अरजी करी प्रभूसे, बाहर काढ़ो, राखो टेक ॥
Verse
करी प्रतिग्या गरभमायँ मैं सुमरण करस्यूँ थारो । नही लगाऊँ मन विषयाँमें प्रभुजी मने उबारो ॥
Verse
जलम लेय जगमायँ चित्तनै विषयाँ मायँ लगायो । जलम-मरण दुःख-हरण रामको पावन नाम भुलायो ॥
Verse
खोई उमर ब्रथा भोगाँके सुख-सुपने कै माँई ।
Verse
सुख नहिं मिल्यो, बड़्हयो दुख दिन-दिन, रह्यो सोग मन छाई ॥।
Verse
मृग-तृस्नाकी धरती मैं जो समझै भ्रमसैं पाणी । उसकी प्यास नही मिटणैकी, निश्चै लीज्यो जाणी ॥
Verse
यूँ इण संसारी भोगाँमैं नही कदे सुख पायो । दुःखरूप सुख देवै किस बिध मूरख मन भरमायो ॥
Verse
कर बिचार, मन हटा बिषयसैं प्रभु चरणाँमैं ल्याओ । करो कामना त्याग, हरीको नाम प्रेमसैं गाओ ॥
Verse
सुख-दुखमें संतोष करो अब, सगली इच्छा छोड़ो । 'मै' और 'मेरो' त्याग हरीके रूप मायँ चित्त जोड़ो ॥
Verse
मिलै सांति दुख कदे न ब्यापै, आवै आनँद भारी । प्रेममगन हो नाम हरीको जपो सदा सुखकारी ॥
