dohAvalI
rāga bhairavī - tāla dādarā
राग भैरवी - ताल दादरा
Verse
राम राम राम भजो, राम भज, भाई । राम-भजन-हेन जनम सदा दुखदाई ॥
Verse
अति दुरलभ मनुजदेह सहजहीमें पाई । मूरख रह्यो राम भूल बिषयन मन लाई ॥
Verse
बालकपन दुख अनेक भोगत ही बिताई । स्त्रीसुत-धनकी अपार चिंता तरुनाई ॥
Verse
रात-दिवस पसुकी ज्यों इत-उत रह्यो धाई । तृसनाकी बेलि बढ़ी पाप-बारि पाई ॥
Verse
बात-पित्त-कफहु बढ्यो दुखद जरा आई । इन्द्रिनकी शक्ति घटी, सिर धुनि पछिताई ॥
Verse
इतनेहिमें कठिन काल घेरि लियो आई । मृत्यु निकट देखि-देखि अति ही भय पाई ॥
Verse
सोच करत मन-ही-मन अतिसै पछिताई । हाय मै न भज्यो राम, कहा करयो माई ! ॥
Verse
मृत्यु प्रान हरन करत कुटुँबते छुड़ाई । महादुःख रह्यो छाय, बिफल सब उपाई ॥
Verse
पापनके फलस्वरूप बुरी जोनि पाई । दुःख-भोग करत पुनि नरकन महँ जाई ॥
Verse
बार-बार जनम मृत्यु, व्याधि अरु बुढ़ाई । झेलत अति कठिन कष्ट, शान्ति नाँहि पाई ॥
Verse
यहि बिधि भवदुख अपार बरने नहिं जाई । भव-भेषज राम-नाम, श्रुति पुरान गाई ॥
Verse
राम-नाम मँगलकरन सब बिधि सुखदाई ॥
Verse
प्रेममगन मनतें, सकल कामना बिहाई । जोइ जपत राम नाम सोइ मुकति पाई ॥
