Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

rāga pahāड़ī- tāla keravā

राग पहाड़ी- ताल केरवा

Verse

अब कित जाऊँजी, हार कर सरणै थाँरै आयो ॥

Verse

जबतक धनकी धूम रही घर भायाँ सेती छायो । साला-साढ़ भोत नीसरया, नेड़ोइ साख बतायो ॥

Verse

अणगिणतीका बण्या भायला, प्रेम घणो दरसायो । एक-एकसें बढ़कर बोल्यो, एकहिं जीव बतायो ॥

Verse

सभा-समाज, पंच-पंचायत, ऊँचो भोत बिठायो । वाह-वाहकी धूम मचाई, स्याणो घणो बतायो ॥

Verse

घरका सभी, साख सबहीसूँ सबहीकै मन भायो । बाताँ सेती सभी पसीनै ऊपर खून बुहायो ॥

Verse

लक्ष्मी माता करी कृपा जद, चंचल रूप दिखायो । मया लई समेट, भरमको पड़दो दूर हटायो ॥

Verse

मात-पितानै खारो लाग्यो, भायाँ मान घटायो । साला साढ़ सभी बीछड़या कोइ न नेड़ो आयो ॥

Verse

'एक जीवका' भोत भायला, एक न आडो आयो । उलटी हँसी उड़ाई जगमै बेवकूफ बतलायो ॥

Verse

टूट्यो प्रेम, छूट्यो सँग सबसूँ सब कोई छिटकायो । नाक चढ़ाकर मुँहसूँ बोल्या, सब जग हुयो परायो ॥

Verse

सुखको रूप समझकर जगनें, भोत दिना भरमायो । खुल गई पोल, रूप सगलाँको असली चौड़े आयो ॥

Verse

मिटी भरमना सारी, थारै चरणाँ चित्त लगायो । नाथ ! अनाथ पतित पापीने तुरत सनाथ बणायो ॥

rāga āsāvarī
rāga āsāvarī

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms