dohAvalI
rāga jogiyā - tāla dīpacandī
राग जोगिया - ताल दीपचन्दी
Verse
मूढ ! केहि बलपर तू इतरात ॥
Verse
करत न सीधी बात काहु सों, सदा रहत अठलात । जा दिन प्रान देह तजि जैहैं, कोउ न पूछिहैं बात ॥
Verse
जेहि तनुके सुख-साज सँवारन संतत सबहिं सतात । सो तनु सहज धूरि मिलि जैहै छार होहिं सब गात ॥
Verse
जेहि धन संचै हेतु भूलि हरि, डोलत सब दिन-रात । धरम-करम तजि सदा गीध ज्यों मांस हेतु ललचात ॥
Verse
सबसों रारि करत, नहिं मानत बंधु, पूज्य, पितु-मात । सो धन-सरबस एहि थल रहिहै, संग न दमरी जात ॥
Verse
माल मिलकियत सब रहि जैहै सबै टूटिहैं नात । सगे-सहोदर, पुत्र-पाहुने, तजिहैं जननी-तात ॥
Verse
राम-नामको जाप करत खल, पंचन माहि लजात । 'राम-नाम सत' सबै बोलिहैं तोहि मसानु लै जात ॥
Verse
रात-दिवस भटकत केहि कारन, नहिं कछु भेद लखात । भूलि भगतवत्सल भगवानहिं नरतनु वृथा गँवात ॥
