Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

dohAvalI

rāga āsāvarī - tāla rūpaka

राग आसावरी - ताल रूपक

Verse

साधन नाम-सम नहिं आन । जपत सिव-सनकादि, सारद-नारदादि सुजान ॥

Verse

नामके बल मिटत भीषन असुभ भाग्य-बिधान । नाम-बल मानव लहत सुख सहज मन-अनुमान ॥

Verse

नाम टेरत टरत दारुन बिपति सोक महान । आर्त करि नर-नारि, ध्रुव सब रहे सुचि सहिदान ॥

Verse

नामके परताप तें जलपर तरे पाषान । नाम-बल सागर उलाँघ्यो सहज ही हनुमान ॥

Verse

नाम-बल संभव सकल जे कछु असंभव जान । धन्य ते नर ! रहत जिनके नाम-रटक बान ॥

Verse

पाप-पुंज प्रजारिबे हित प्रबल पावक-खान । होत छिनमें छार, निकसत नाम जान-अजान ॥

Verse

नाम-सुरसरिमें निरंतर करत जे जन न्हान । मिटत तीनों ताप, मुख नहिं होत कबहुँ मलान ॥

Verse

नाम-आश्रित जननके मन बसत नित भगवान । जरत खरत कुवासना सब तुरत लज्जा मान ॥

Verse

नाम जीवन, नाम अमरित, नाम सुखको थान । नाम-रत जे नाम-पर, ते पुरुष अति मतिमान ॥

Verse

नाम नित आनंद-निरझर, अति पुनीत पुरान । मुक्त सत्वर होत जे जन करत सादर पान ॥

Verse

नाम जपत सुसिद्ध जोगी बनत समरथवान । नामतें उपजत सुभगति बिराग सुभ बलवान ॥

Verse

नामके परताप दीखत प्रकृति-दीप बुझान । नाम बल ऊगत प्रभामय भानु तत्त्वज्ञान ॥

Verse

नामकी महिमा अमित, को सकै करि गुनगान । रामतें बड़ नाम, जेहि बल बिकत श्रीभगवान ॥

rāga pīlū baravā- tāla dhumālī
rāga pīlū baravā

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms