dohAvalI
prabhātī
प्रभाती
Verse
जागहु ब्रजराज लाल मोर मुकुटवारे । पक्षी ध्वनि करहिं शोर अरुण वरुण भानु भोर नवल कमल फूल रहे भौंरा गुनजारे ॥
Verse
भक्तनके सुने बयन जागे करुणाके अयन पूजी मन कामधेनु पृथ्वी पगु धारे । करके सुस्नान ध्यान पूजन पूरण विधान ब्रिप्रनको दियौ दान नंदके दुलारे ॥
Verse
ग्वाल बाल टेर टेर दुहरी लीन्हीं नवेर बछरा दीन्हें उबेर दूध दुहत सारे ।
Verse
करके भोजन गैयन सँग भये ग्वाल बंसीबट तीर गये यमुना किनारे ।
Verse
मुरली कर लकुत हाथ बिहरत गोपिनके साथ नटवर सब बेष किये यशुमतिके पियारे । हौं तो मैं शरण नाथ मिनवति धरि चरन माथ रूपकुँवरि दरस हेतु शरण है तिहारे ॥
