dohAvalI
dhanāśrī
धनाश्री
Verse
नैन भरि देख्यौ नंदकुमार । ता दिनतें सब भूलि गयौ हौं बिसर्यौ पन परवार ॥
Verse
बिन देखे हौं बिकल भयौं हौं अंग-अंग सब हारि । ताते सुधि है साँवरि मूरतिकी लोचन भरि भरि बारि ॥
Verse
रुप-रास पैमित नहीं मानों कैसें मिलै लो कन्हाइ । कुंभनदास प्रभु गोबरधन-धर मिलियै बहुरि री माइ ॥
Verse
हिलगिन कठिन है या मनकी । जाके लिये देखि मेरी सजनी लाज गयी सब तनकी ॥
Verse
धरम जाउ अरु लोग हँसौं सब अरु गावौ कुल गारी । सो क्यौं रहै ताहि बिनु देखे जा जाकौ हितकारी ॥
Verse
रसलुबधक निमिख न छाँड़त है ज्यों अधीन मृग गानों । कुंभनदास सनेह परम श्रीगोबरधन-धर जानों ॥
