cAlIsA
śrī gaṇeśa cālīsā
श्री गणेश चालीसा
Verse
जय गणपति सदगुणसदन, कविवर बदन कृपाल । विघ्न हरण मंगल करण, जय जय गिरिजालाल ॥
Verse
जय जय जय गणपति गणराजू । मंगल भरण करण शुभ काजू ॥
Verse
जै गजबदन सदन सुखदाता । विश्व विनायक बुद्घि विधाता ॥
Verse
वक्र तुण्ड शुचि शुण्ड सुहावन । तिलक त्रिपुण्ड भाल मन भावन ॥
Verse
राजत मणि मुक्तन उर माला । स्वर्ण मुकुट शिर नयन विशाला ॥
Verse
पुस्तक पाणि कुठार त्रिशूलं । मोदक भोग सुगन्धित फूलं ॥
Verse
सुन्दर पीताम्बर तन साजित । चरण पादुका मुनि मन राजित ॥
Verse
धनि शिवसुवन षडानन भ्राता । गौरी ललन विश्व-विख्याता ॥
Verse
ऋद्घि-सिद्घि तव चंवर सुधारे । मूषक वाहन सोहत द्घारे ॥
Verse
कहौ जन्म शुभ-कथा तुम्हारी । अति शुचि पावन मंगलकारी ॥
Verse
एक समय गिरिराज कुमारी ।
Verse
पुत्र हेतु तप कीन्हो भारी ।
Verse
भयो यज्ञ जब पूर्ण अनूपा । तब पहुंच्यो तुम धरि द्घिज रुपा ॥
Verse
अतिथि जानि कै गौरि सुखारी । बहुविधि सेवा करी तुम्हारी ॥
Verse
अति प्रसन्न है तुम वर दीन्हा । मातु पुत्र हित जो तप कीन्हा ॥
Verse
मिलहि पुत्र तुहि, बुद्घि विशाला । बिना गर्भ धारण, यहि काला ॥
Verse
गणनायक, गुण ज्ञान निधाना । पूजित प्रथम, रुप भगवाना ॥
Verse
अस कहि अन्तर्धान रुप है । पलना पर बालक स्वरुप है ॥
Verse
बनि शिशु, रुदन जबहिं तुम ठाना । लखि मुख सुख नहिं गौरि समाना ॥
Verse
सकल मगन, सुखमंगल गावहिं । नभ ते सुरन, सुमन वर्षावहिं ॥
Verse
शम्भु, उमा, बहु दान लुटावहिं । सुर मुनिजन, सुत देखन आवहिं ॥
Verse
लखि अति आनन्द मंगल साजा । देखन भी आये शनि राजा ॥
Verse
निज अवगुण गुनि शनि मन माहीं । बालक, देखन चाहत नाहीं ॥
Verse
गिरिजा कछु मन भेद बढ़ायो । उत्सव मोर, न शनि तुहि भायो ॥
Verse
कहन लगे शनि, मन सकुचाई । का करिहौ, शिशु मोहि दिखाई ॥
Verse
नहिं विश्वास, उमा उर भयऊ । शनि सों बालक देखन कहाऊ ॥
Verse
पडतहिं, शनि दृग कोण प्रकाशा । बोलक सिर उड़ि गयो अकाशा ॥
Verse
गिरिजा गिरीं विकल है धरणी । सो दुख दशा गयो नहीं वरणी ॥
Verse
हाहाकार मच्यो कैलाशा । शनि कीन्हो लखि सुत को नाशा ॥
Verse
तुरत गरुड़ चढ़ि विष्णु सिधायो । काटि चक्र सो गज शिर लाये ॥
Verse
बालक के धड़ ऊपर धारयो । प्राण, मन्त्र पढ़ि शंकर डारयो ॥
Verse
नाम गणेश शम्भु तब कीन्हे । प्रथम पूज्य बुद्घि निधि, वन दीन्हे ॥
Verse
बुद्घि परीक्षा जब शिव कीन्हा । पृथ्वी कर प्रदक्षिणा लीन्हा ॥
Verse
चले षडानन, भरमि भुलाई । रचे बैठ तुम बुद्घि उपाई ॥
Verse
चरण मातु-पितु के धर लीन्हें । तिनके सात प्रदक्षिण कीन्हें ॥
Verse
तुम्हरी महिमा बुद्घि बड़ाई । शेष सहसमुख सके न गाई ॥
Verse
मैं मतिहीन मलीन दुखारी । करहुं कौन विधि विनय तुम्हारी ॥
Verse
भजत रामसुन्दर प्रभुदासा । जग प्रयाग, ककरा, दर्वासा ॥
Verse
अब प्रभु दया दीन पर कीजै । अपनी भक्ति शक्ति कछु दीजै ॥
Verse
॥ दोहा ॥
Verse
श्री गणेश यह चालीसा, पाठ करै कर ध्यान । नित नव मंगल गृह बसै, लहे जगत सन्मान ॥
Verse
सम्बन्ध अपने सहस्त्र दश, ऋषि पंचमी दिनेश । पूरण चालीसा भयो, मंगल मूर्ति गणेश ॥
