aSTottaranAma
śrīdurgāṣṭottaraśatanāmastotram
श्रीदुर्गाष्टोत्तरशतनामस्तोत्रम्
Verse
दुर्गा दारिद्र्यशमनी दुरितघ्नी दुरासदा लक्ष्मी लज्जा महाविद्या श्रद्धा पुष्टिः स्वधा ध्रुवा ॥१-११॥
Verse
महारात्रिर्महामाया मेधा माता सरस्वती शिवा शशिधरा शान्ता शांभवी भूतिदायिनी ॥१२-२१॥
Verse
तामसी नियता दारी काली नारायणी कला ब्राह्मी वीणाधरी वाणी शारदा हंसवाहिनी ॥२२-३२॥
Verse
त्रिशूलिनी त्रिनेत्रेशा त्रयी त्रेतामयी शुभा शंखिनी चक्रिणी घोरा कराली मालिनी मतिः ॥३३-४४॥
Verse
महेश्वरी महेष्वासा महिषघ्नी मधुव्रता मयूरवाहिनी नीला भारती भास्वरांबरा ॥४५-५२॥
Verse
पीतांबरधरा पीता कौमारी पीवरस्तनी रजनी रथिनी रक्ता गदिनी घंटिनी प्रभा ॥५३-६२॥
Verse
शुंभघ्नी सुभगा सुभ्रूः निशुंभप्राणहारिणी कामाक्षी कामुकी कन्या रक्तबीजनिपातिनी ॥६३-७०॥
Verse
सहस्रवदना सन्ध्या साक्षिणी शांकरी द्युतिः भार्गवी वारुणी विद्या धरा धरसुरार्चिता ॥७१-८०॥
Verse
गायत्री गायकी गंगा दुर्गा गीतघनस्वनी छंदोमयी मही छाया चार्वंगी चंदनप्रिया ॥८१-९०॥
Verse
जननी जाह्नवी जाता शांभवी हतराक्षसी वल्लरी वल्लभा वल्ली वल्यलंकृतमध्यमा ॥९१-९९॥
Verse
हरीतकी हयारूढा भूतिर्हरिहरप्रिया वज्रहस्ता वरारोहा सर्वसिद्धिस्तथैव च ॥१००-१०६॥
Verse
वरविद्या तथा दुर्गादेवीत्यष्टोत्तरं शतम् ॥१०७-१०८॥
