Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

vajrapāṇināmāṣṭottaraśatastotram

वज्रपाणिनामाष्टोत्तरशतस्तोत्रम्

Verse

वज्रसत्त्व महासत्त्व महायान महात्मक । महाप्रभ महाशुद्ध महानाथ नमोऽस्तु ते ॥१॥

Verse

वज्रराज महावज्र वज्र सर्वतथागत । महासत्त्व महावीर्य महोपाय नमोऽस्तु ते ॥२॥

Verse

वज्रराग महाशुद्ध सर्वसौख्य महासुख । सुखाग्र्यानादिनिधन महाकाम नमोऽस्तु ते ॥३॥

Verse

वज्रसाधु महातुष्टि साधुकार प्रहर्षक । महाहर्ष महामोद सुप्रामोद्य नमोऽस्तु ते ॥४॥

Verse

वज्ररत्न महाराज स्वाभिषेक महामते । सर्वरत्न महाशोभविभूषण नमोऽस्तु ते ॥५॥

Verse

वज्रतेज महातेज वज्रप्रभ महाद्युते । जिनप्रभ महाज्वाल बुद्धप्रभ नमोऽस्तु ते ॥६॥

Verse

वज्रकेतु महाकेतु महाध्वज धनप्रद । आकाशकेतो महायष्टि त्यागध्वज नमोऽस्तु ते ॥७॥

Verse

वज्रहास महाहास महाप्रीतिप्रमोदन । प्रीतिवेग रतिप्रीते धर्मप्रीते नमोऽस्तु ते ॥८॥

Verse

वज्रधर्म महाधर्म सर्वधर्मसुशोधक । बुद्धधर्म सुधर्माग्र्य रागधर्म नमोऽस्तु ते ॥९॥

Verse

वज्रतीक्ष्ण महाकोश प्रज्ञाज्ञान महामते । पापच्छेदमहाखड्ग बुद्धशस्त्र नमोऽस्तु ते ॥१०॥

Verse

वज्रहेतु महाचक्र बुद्धचक्र महानिधे । सर्वमण्डलधर्माग्र धर्मचक्र नमोऽस्तु ते ॥११॥

Verse

वज्रभाष महाभाष निष्प्रपञ्च महाक्षर । अनक्षर महाजाप बुद्धवाच नमोऽस्तु ते ॥१२॥

Verse

वज्रकर्म सुकर्माग्र्य महाकर्म सुकर्मकृत् । गुह्यपूज महापूज बुद्धपूज नमोऽस्तु ते ॥१३॥

Verse

वज्ररक्ष महावर्म कवचाग्र्य महादृढ । महारक्ष महासार बुद्धवीर्य नमोऽस्तु ते ॥१४॥

Verse

वज्रयक्ष महाक्रोध सर्वदुष्टभयानक । सर्वबुद्धमहोपाय अग्रयक्ष नमोऽस्तु ते ॥१५॥

Verse

महासन्धि महामुद्र महासमयबन्धक । महामुष्टे समुद्राग्र्य वज्रमुष्टे नमोऽस्तु ते ॥१६॥

Verse

वन्द्यो मान्यश्च पूज्यश्च सत्कर्तव्यस्तथागतैः । यस्मादनादिनिधनं बोधिचित्तं त्वमुच्यसे ॥१७॥

Verse

त्वामासाद्य जिनाः सर्वे बोधिसत्त्वाश्च शौरिणः । सम्भूताः सम्भविष्यन्ति बुद्धबोध्यग्रहेतवः ॥१८॥

Verse

नमस्ते वज्रसत्त्वाय वज्ररत्नाय ते नमः । नमस्ते वज्रधर्माय नमस्ते वज्रकर्मणे ॥१९॥

Verse

त्वामभिष्टुत्य नामाग्रैः प्रणम्य च सुभावतः । यत्पुण्यं तेन सर्वो हि बुद्धबोधिमवाप्नुयात् ॥२०॥

Verse

इदमुच्चारयेत्सम्यग् नामाष्टशतमुत्तमम् । सकृद्वारं सुभक्तिस्थः सर्वबुद्धत्वमाप्नुयात् ॥२१॥

Verse

इति श्रीवज्रपाणिनामाष्टोत्तरशतस्तोत्रं सम्पूर्णम् ॥

kṛṣṇalīlāśatanāmastotram
śrīvarāhāṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms