Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTottaranAma

indirāṣṭottaraśatanāmastotram

इन्दिराष्टोत्तरशतनामस्तोत्रम्

Verse

इन्दिरा विष्णुहृदयमन्दिरा पद्मसुन्दरा । नन्दिताखिलभक्तश्रीनन्दिकेश्वरवन्दिता ॥१॥

Verse

केशवप्रियचारित्रा केवलानन्दरूपिणी । केयूरहारमञ्जीरा केतकीपुष्पधारणी ॥२॥

Verse

कारुण्यकवितापाङ्गी कामितार्थप्रदायनी । कामधुक्सदृशा शक्तिः कालकर्मविधायिनी ॥३॥

Verse

जितदारिद्र्यसन्दोहा धृतपङ्केरुहद्वयी । कृतविद्ध्यण्डसंरक्षा नतापत्परिहारिणी ॥४॥

Verse

नीलाभ्राङ्गसरोनेत्रा नीलोत्पलसुचन्द्रिका । नीलकण्ठमुखाराध्या नीलाम्बरमुखस्तुता ॥५॥

Verse

सर्ववेदान्तसन्दोहशुक्तिमुक्ताफलायिता । समुद्रतनया सर्वसुरकान्तोपसेविता ॥६॥

Verse

भार्गवी भानुमत्यादिभाविता भार्गवात्मजा । भास्वत्कनकताटङ्का भानुकोट्यधिकप्रभा ॥७॥

Verse

पद्मसद्मपवित्राङ्गी पद्मास्या च परात्परा । पद्मनाभप्रियसती पद्मभूस्तन्यदायिनी ॥८॥

Verse

भक्तदारिद्र्यशमनी मुक्तिसाधकदायिनी । भुक्तिभोग्यप्रदा भव्यशक्तिमदीश्वरी ॥९॥

Verse

जन्ममृत्युज्वरत्रस्तजनजीवातुलोचना । जगन्माता जयकरी जयशीला सुखप्रदा ॥१०॥

Verse

चारुसौभाग्यसद्विद्या चामरद्वयशोभिता । चामीकरप्रभा सर्वचातुर्यफलरूपिणी ॥११॥

Verse

राजीवनयना रम्या रामणीयकजन्मभूः । राजराजार्चितपदा राजमुद्रास्वरूपिणी ॥१२॥

Verse

तारुण्यवनसारङ्गी तापसार्चितपादुका । तात्त्विकी तारकेशार्कताटङ्कद्वयमण्डिता ॥१३॥

Verse

भव्यविश्राणनोद्युक्ता सव्यक्तसुखविग्रहा । दिव्यवैभवसम्पूर्णा नव्यभक्तिशुभोदया ॥१४॥

Verse

तरुणादित्यताम्रश्रीः करुणारसवाहिनी । शरणागतसन्त्राणचरणा करुणेक्षणा ॥१५॥

Verse

वित्तदारिद्र्यशमनी वित्तक्लेशनिवारिणी । मत्तहंसगतिस्सर्वसत्तासामान्यरूपिणी ॥१६॥

Verse

वाल्मीकिव्यासदुर्वासो वालखिल्यादिवाञ्छिता । वारिजेषणहृत्केकिवारिदायितविग्रहा ॥१७॥

Verse

दृष्ट्याऽऽसादितविद्ध्यण्डा सृष्ट्यादिमहिमोच्छ्रया । आस्तिक्यपुष्पभृङ्गी च नास्तिकोन्मूलनक्षमा ॥१८॥

Verse

कृतसद्भक्तिसन्तोषा कृत्तदुर्जनपौरुषा । सञ्जीविताशेषभाषा सर्वाकर्षमतिस्नुषा ॥१९॥

Verse

नित्या शुद्धा परा बुद्धा सत्या संविदनामया । विजया विष्णुरमणी विमला विजयप्रदा ॥२०॥

Verse

श्रीङ्कारकामदोग्धी च ह्रीङ्कारतरुकोकिला । ऐङ्कारपद्मलोलम्बा क्लीङ्कारामृतनिम्नगा ॥२१॥

Verse

तपनीयाभसुतनुः कमनीयस्मितानना । गणनीयगुणग्रामा शयनीयोरगेश्वरा ॥२२॥

Verse

रमणीयसुवेषाढ्या करणीयक्रियेश्वरी । स्मरणीयचरित्रा च तरुणी यज्ञारूपिणी ॥२३॥

Verse

श्रीवृक्षवासिनी योगिधीवृत्तिपरिभाविता । प्रावृड्भार्गववारार्च्या संवृतामरभामिनी ॥२४॥

Verse

तनुमद्ध्या भगवतीमनुजापिवरप्रदा । लक्ष्मी विल्वाश्रिता पातु सोऽष्टोत्तरशतस्तुता ॥२५॥

Verse

इति इन्दिराष्टोत्तरशतनामस्तोत्रं समाप्तम् ।

āryamañjuśrīnāmāṣṭottaraśatakastotram
umā'ṣṭottaraśatanāmastotram

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms