aSTottaranAma
ākāśagarbhanāmāṣṭottaraśatastotram
आकाशगर्भनामाष्टोत्तरशतस्तोत्रम्
Verse
ॐ नमो बुद्धाय ।
Verse
आकाशगर्भ सत्त्वार्थ महासत्त्व महाद्युते । महारत्न सुरत्नाग्र्य वज्ररत्न नमोऽस्तु ते ॥१॥
Verse
अभिषेकमहारत्न महाशुद्ध महाशुभ । बुद्धरत्न विशुद्धाङ्ग रत्नरत्न नमोऽस्तु ते ॥२॥
Verse
आकाशाकाशसम्भूत सर्वाकाश महानभ । आकाशधातुसर्वाश सर्वाशाग्र्य नमोऽस्तु ते ॥३॥
Verse
रत्नसम्भव रत्नोर्ण बुद्धोर्ण सुतथागत । सर्वरत्न सुसर्वाग्र्य रत्नकार्य नमोऽस्तु ते ॥४॥
Verse
रत्नरत्नाग्र्य रत्नोग्र रत्नसर्व तथागत । रत्नोत्तम महाकाश समाकाश नमोऽस्तु ते ॥५॥
Verse
अलङ्कारमहाशोभ शोभाकर सुशोभक । शुद्धसर्वार्थ शुद्धार्थ दानचर्य नमोऽस्तु ते ॥६॥
Verse
धर्मरत्न विशुद्धाग्र्य सङ्घरत्न तथागत । महाभिषेक लोकार्थ प्रमोदार्थ नमोऽस्तु ते ॥७॥
Verse
दान प्रदान दानाग्र्य त्याग त्यागाग्र्य दायक । सर्वसत्त्वार्थ तत्त्वार्थ महार्थार्थ नमोऽस्तु ते ॥८॥
Verse
चिन्ताराज महातेज दानपारमितानय । तथागत महासत्त्व सर्वबुद्ध नमोऽस्तु ते ॥९॥
Verse
तथागत महारत्न तथागत महाप्रभ । तथागत महाकेतो महाहास नमोऽस्तु ते ॥१०॥
Verse
तथागताभिषेकाज्ञ महाभिषेक महाविभो । लोकनाथ त्रिलोकाग्र्य लोकसूर्य नमोऽस्तु ते ॥११॥
Verse
रत्नाधिकाधिकतर रत्नभूषण रत्नधृक् । रत्नालोक महालोक रत्नकीर्ते नमोऽस्तु ते ॥१२॥
Verse
रत्नोत्कर सुरत्नोत्थ मणे वज्रमणे गुण । रत्नाकर सुदीप्ताङ्ग सर्वरत्न नमोऽस्तु ते ॥१३॥
Verse
महात्मयष्टि रत्नेश सर्वाशापरिपूरक । सर्वाभिप्रायसंप्राप्तिरत्नराशि नमोऽस्तु ते ॥१४॥
Verse
अभ्वग्र्य व्यापि सर्वात्म वरप्रद महावर । विभूते सर्वसम्पत्ते वज्रगर्भं नमोऽस्तु ते ॥१५॥
Verse
यः कश्चिद् धारयेन् नाम्नामिदन्तेऽष्टशतं शिवम् । सर्वबुद्धाभिषेकं तु स प्राप्नोत्यनघः क्षणात् ॥१६॥
Verse
इति श्री आकाशगर्भनामाष्टशताध्येषणास्तोत्रं सम्पूर्णम् ॥
