aSTakam
sūryamaṇḍalāṣṭakam
सूर्यमण्डलाष्टकम्
Verse
सवित्रे जगदेकचक्षुषे ।
Verse
जगत्प्रसूती स्थिति नाश हेतवे ।
Verse
त्रयीमयाय त्रिगुणात्म धारिणे । विरञ्चि नारायण शङ्करात्मन् ॥१॥
Verse
यन्मण्डलं दीप्तिकरं विशालं ।
Verse
रत्नप्रभं तीव्रमनादि रूपम् ।
Verse
दारिद्र्य दुखक्षयकारणं च । पुनातु मां तत्सवितुर्वरेण्यम् ॥२॥
Verse
यन्मण्डलं देव गणैः सुपूजितं ।
Verse
विप्रैः स्तुतं भावनमुक्ति कोविदम् ।
Verse
तं देवदेवं प्रणमामि सूर्यं । पुनातु मां तत्सवितुर्वरेण्यम् ॥३॥
Verse
यन्मण्डलं ज्ञान घनं त्वगम्यं ।
Verse
त्रैलोक्य पूज्यं त्रिगुणात्म रूपम् ।
Verse
समस्त तेजोमय दिव्यरूपं । पुनातु मां तत्सवितुर्वरेण्यम् ॥४॥
Verse
यन्मण्डलं गुढ़मति प्रबोधं ।
Verse
धर्मस्य वृद्धिं कुरुते जनानाम् ।
Verse
यत्सर्व पाप क्षयकारणं च । पुनातु मां तत्सवितुर्वरेण्यम् ॥५॥
Verse
यन्मण्डलं व्याधि विनाश दक्षं ।
Verse
यदृग्यजुः सामसु संप्रगीतम् ।
Verse
प्रकाशितं येन भूर्भुवः स्वः । पुनातु मां तत्सवितुर्वरेण्यम् ॥६॥
Verse
यन्मण्डलं वेदविदो वदन्ति ।
Verse
गायन्ति यच्चारण सिद्ध सङ्घाः ।
Verse
यद्योगिनो योगजुषां च सङ्घाः । पुनातु मां तत्सवितुर्वरेण्यम् ॥७॥
Verse
यन्मण्डलं सर्वजनेषु पूजितं ।
Verse
ज्योतिश्चकुर्यादिह मर्त्यलोके ।
Verse
यत्कालकल्प क्षयकारणं च । पुनातु मां तत्सवितुर्वरेण्यम् ॥८॥
Verse
यन्मण्डलं विश्वसृजं प्रसीदमुत्पत्तिरक्षा प्रलय प्रगल्भम् ।
Verse
यस्मिञ्जगत्संहरतेऽखिलं च । पुनातु मां तत्सवितुर्वरेण्यम् ॥९॥
Verse
यन्मण्डलं सर्वगतस्य विष्णोरात्मा ।
Verse
परं धाम विशुद्धतत्त्वम् ।
Verse
सूक्ष्मान्तरैर्योगपथानुगम्ये । पुनातु मां तत्सवितुर्वरेण्यम् ॥१०॥
Verse
यन्मण्डलं वेदविदो विदन्ति ।
Verse
गायन्ति तच्चारणसिद्ध सङ्घाः ।
Verse
यन्मण्डलं वेदविदो स्मरन्ति । पुनातु मां तत्सवितुर्वरेण्यम् ॥११॥
Verse
यन्मण्डलं वेदविदोपगीतं ।
Verse
यद्योगिनां योग पथानुगम्यम् ।
Verse
तत्सर्व वेदं प्रणमामि सूर्यं । पुनातु मां तत्सवितुर्वरेण्यम् ॥१२॥
