Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

śrīsudhāghaṭeśāṣṭakam

श्रीसुधाघटेशाष्टकम्

Verse

नमो नमस्ते जगदीश्वराय कारुण्यरूपाय कृपाकराय । अपारसंसारनिवारकाय सुधाघटेशाय नमश्शिवाय ॥१॥

Verse

गजेन्द्रचर्मांबरधारिणे च गङ्गाधरायाऽमितविक्रमाय । गभस्तिमालीन्दुकृशानुचक्षुषे सुधाघटेशाय नमश्शिवाय ॥२॥

Verse

अशेषतापार्तिहराय शूलिने वरेण्यरूपाय वरप्रदाय । गुणत्रयैर्वर्जितविग्रहाय सुधाघटेशाय नमश्शिवाय ॥३॥

Verse

दिग्देशकालादिविवर्जिताय दिगम्बरायाऽम्बिकयायुताय दीनानुकंपाकरविग्रहाय सुधाघटेशाय नमश्शिवाय ॥४॥

Verse

वेदान्तवेद्याय विरूपचक्षुषे व्योमाम्बरायाऽप्रतिमानवर्ष्मणे । कालस्य कालाय कपालपाणये सुधाघटेशाय नमश्शिवाय ॥५॥

Verse

भक्तार्तिहन्त्रे च भयापहाय भवाब्धिपोताय भवाय शंभवे । कल्याणरूपाय कलाधराय सुधाघटेशाय नमश्शिवाय ॥६॥

Verse

एणाङ्कचूडाय जटाकलापिने एणाजिनाच्छादनसुन्दराय । भक्तापराधान् क्षमते दिने दिने सुधाघटेशाय नमश्शिवाय ॥७॥

Verse

पीयूषलिंगाय वृषाधिपाय वीराट्टहासाय सुरेश्वराय । अभिरामिनाथाय मृत्युंजयाय सुधाघटेशाय नमश्शिवाय ॥८॥

śrīsāradādevyaṣṭakam
śrī rāghavendramaṅgalāṣṭakam

Read next

More on श्रीसुधाघटेशाष्टकम्

  • श्रीसुधाघटेशाष्टकम्Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms