Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

śrīnarasiṃhāṣṭakam

श्रीनरसिंहाष्टकम्

Verse

श्रीमदकलङ्कपरिपूर्णशशिकोटि- श्रीधर मनोहरसटापटलकान्त । पालय कृपालय भवाम्बुधिनिमग्नं दैत्यवरकाल नरसिंह नरसिंह ॥१॥

Verse

पादकमलावनतपातकिजनानां पातकदवानलपतत्रि वरकेतो । भावनपरायण भवार्तिहरया मां पाहि कृपयैव नरसिंह नरसिंह ॥२॥

Verse

तुङ्गनखपङ्क्तिदलितासुरवरासृ- क्पङ्कनवकुङ्‌कुमविपङ्किलमहोरः । पण्डितनिधान कमलालय नमस्ते पङ्कजनिषण्ण नरसिंह नरसिंह ॥३॥

Verse

मौलिषु विभूषणमिवामरवराणां योगिहृदयेषु च शिरस्सु निगमानाम् । राजदरविन्दरुचिरं पदयुगं ते धेहि मम मूर्ध्नि नरसिंह नरसिंह ॥४॥

Verse

वारिजविलोचन मदन्तिमदशायां क्लेशविवशीकृतसमस्तकरणायाम् । एहि रमया सह शरण्य विहगानां नाथमधिरुह्य नरसिंह नरसिंह ॥५॥

Verse

हाटककिरीटवरहारवनमाला- ताररशनामकरकुण्डलमणीन्द्रैः । भूषितमशेषनिलयं तव वपुर्मे चेतसि चकास्तु नरसिंह नरसिंह ॥६॥

Verse

इन्दुरविपावकविलोचन रमाया मन्दिर महाभुजलसद्वररथाङ्ग । सुन्दर चिराय रमतां त्वयि मनो मे नन्दितसुरेश नरसिंह नरसिंह ॥७॥

Verse

माधव मुकुन्द मधुसूदन मुरारे वामन नृसिंह शरणं भव नतानाम् । कामद घृणिन् निखिलकारण नयेयं कालममरेश नरसिंह नरसिंह ॥८॥

Verse

अष्टकमिदं सकलपातकभयघ्नं कामदमशेषदुरितामयरिपुघ्नम् । यः पठति सन्ततमशेषनिलयं ते गच्छति पदं स नरसिंह नरसिंह ॥९॥

śrī dakṣiṇāmūrtyaṣṭakam (śrī śaṃkarācāryakṛtam)
śrī sudarśanāṣṭakam (śrī veṅkaṭanāyakapraṇītam)

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms