Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

śrī muttusvāmidīkṣitakṛtam

श्री मुत्तुस्वामिदीक्षितकृतम्

Verse

कल्याणसौगन्धिकपुष्पहार- संशोभिकण्ठाय कलाधराय । कल्याणशैलेन्द्रधनुर्धराय श्री त्यागराजाय नमो नमस्ते ॥१॥

Verse

मुक्तेन्द्रनीलादिसुरत्नराशि- संशोभिसिंहासनसंस्थिताय । मुक्ताकुमाराख्यमहिस्तुताय श्री त्यागराजाय नमो नमस्ते ॥२॥

Verse

कीशाननश्रीमुचुकुन्दभूप- संप्रार्थनाद्भूतलमागताय । गोचन्द्रसंस्थाय कुमारपित्रे श्री त्यागराजाय नमो नमस्ते ॥३॥

Verse

गोप्त्रे पशूनां गुरुराजभूप- धर्त्रे सदा श्रीपुरसंस्थिताय । गुप्तस्वगात्राय हृदये भजाय श्री त्यागराजाय नमो नमस्ते ॥४॥

Verse

कान्तातिसौन्दर्यरथस्थिताय कान्तासमाश्लेषितसुन्दराय । कान्तार्धरूपाय गजास्यपित्रे श्री त्यागराजाय नमो नमस्ते ॥५॥

Verse

निरन्तराभ्यासविशेषवेद्य- बोधस्वरूपाय निरञ्जनाय । निरङ्कुशानन्दपदप्रदाय श्री त्यागराजाय नमो नमस्ते ॥६॥

Verse

अनन्तहृद्वारिजहंसरूप- नृत्तंकरायादिगुरूत्तमाय अनन्तकल्याणगुणैकधाम्ने श्री त्यागराजाय नमो नमस्ते ॥७॥

Verse

श्रीमच्चिदानन्दगुरुस्वरूप- श्रीत्यागराजाङ्घ्रिसरोजयुग्मे अनन्तबोधप्रदमष्टकाख्यं स्तोत्रं सुभक्त्याकृतमर्पितं मया ॥८॥

navagrahamaṅgalāṣṭakam
mūlamantrākṣaramālāstotram

Read next

More on मुत्तुस्वामिदीक्षितकृतम्

  • श्रीत्यागराजाष्टकम् (श्री मुत्तुस्वामिदीक्षितकृतम्)Ashtakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms