Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

nṛsiṃhāṣṭakam

नृसिंहाष्टकम्

Verse

श्रीमदकलङ्क परिपूर्ण! शशिकोटि- श्रीधर! मनोहर! सटापटल कान्त! । पालय कृपालय! भवांबुधि- निमग्नं दैत्यवरकाल! नरसिंह! नरसिंह! ॥१॥

Verse

पादकमलावनत पातकि- जनानां पातकदवानल! पतत्रिवर- केतो! । भावन! परायण! भवार्तिहरया मां पाहि कृपयैव नरसिंह! नरसिंह! ॥२॥

Verse

तुङ्गनख- पङ्क्ति- दलितासुर- वरासृक् पङ्क- नवकुङ्कुम- विपङ्किल- महोरः । पण्डितनिधान- कमलालय नमस्ते पङ्कजनिषण्ण! नरसिंह! नरसिंह! ॥३॥

Verse

मौलेषु विभूषणमिवामर वराणां योगिहृदयेषु च शिरस्सु निगमानाम् । राजदरविन्द- रुचिरं पदयुगं ते देहि मम मूर्ध्नि नरसिंह! नरसिंह! ॥४॥

Verse

वारिजविलोचन! मदन्तिम- दशायां क्लेश- विवशीकृत- समस्त- करणायाम् । एहि रमया सह शरण्य! विहगानां नाथमधिरुह्य नरसिंह! नरसिंह! ॥५॥

Verse

हाटक- किरीट- वरहार- वनमाला धाररशना- मकरकुण्डल- मणीन्द्रैः । भूषितमशेष- निलयं तव वपुर्मे चेतसि चकास्तु नरसिंह! नरसिंह! ॥६॥

Verse

इन्दु रवि पावक विलोचन! रमायाः मन्दिर! महाभुज! - लसद्वर- रथाङ्ग! । सुन्दर! चिराय रमतां त्वयि मनो मे नन्दित सुरेश! नरसिंह! नरसिंह! ॥७॥

Verse

माधव! मुकुन्द! मधुसूदन! मुरारे! वामन! नृसिंह! शरणं भव नतानाम् । कामद घृणिन् निखिलकारण नयेयं कालममरेश नरसिंह! नरसिंह! ॥८॥

Verse

अष्टकमिदं सकल- पातक- भयघ्नं कामदं अशेष- दुरितामय- रिपुघ्नम् । यः पठति सन्ततमशेष- निलयं ते गच्छति पदं स नरसिंह! नरसिंह! ॥९॥

Verse

॥इति श्री नृसिंहाष्टकम् ॥

nārāyaṇāṣṭakam
pāṃḍuraṃgāṣṭakaṃ

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms