Fetching Data .

Loading verse structure and chapter context.

GyanDweepBeta
HomeLearnLibrary
eGurukulsDiscoverTemplesPanchanga
Sign Up
Sign Up

aSTakam

tripurasundaryaṣṭakam śrīśaṃkarācāryakṛtaṃ

त्रिपुरसुन्दर्यष्टकम् श्रीशंकराचार्यकृतं

Verse

कदम्बवनचारिणीम् मुनिकदम्बकादम्बिनीम् नितम्बजितभूधराम् सुरनितम्बिनीसेविताम् । नवाम्बुरुहलोचनामभिनवाम्बुदश्यामलाम् त्रिलोचनकुटुम्बिनीम् त्रिपुरसुन्दरीमाश्रये ॥१॥

Verse

कदम्बवनवासिनीम् कनकवल्ल्कीधारिणीम् महार्हमणिहारिणीम् मुखसमुल्लसद्वारुणीम् । दयाविभवकारिणीम् विशदरोचनाचारिणीं त्रिलोचनकुटुम्बिनीम् त्रिपुरसुन्दरीमाश्रये ॥२॥

Verse

कदम्बवनशालया कुचभरोल्लसन्मालया कुचोपमितशैलया गुरुकृपालसद्वेलया । मदारुणकपोलया मधुरगीतवाचालया कयापि घननीलया कवचिता वयम् लीलया ॥३॥

Verse

कदम्बवनमध्यगां कनकमण्डलोपस्थितां षडम्बुरुहवासिनीम् सततसिद्धसौदामिनीम् । विडम्बितजपारुचिं विकचचन्द्रचूडामणिम् त्रिलॊचनकुटुम्बिनीम् त्रिपुरसुन्दरीमाश्रये ॥४॥

Verse

कुचाञ्चितविपञ्चिकां कुटिलकुन्तलालंकृतां कुशेशयनिवासिनीम् कुटिलचित्तविद्वेषिणीम् । मदारुणविलोचनाम् मनसिजारिसम्मोहिनीं मतङ्गमुनिकन्यकां मधुरभाषिणीमाश्रये ॥५॥

Verse

स्मरेत्प्रथमपुष्पिणीम् रुधिरबिन्दुनीलाम्बरां गृहीतमधुपत्रिकाम् मदविघूर्णनेत्राञ्चलाम् । घनस्तनभरोन्नतां गलितचूलिकां श्यामलां त्रिलॊचनकुटुम्बिनीम् त्रिपुरसुन्दरीमाश्रये ॥६॥

Verse

सकुङ्कुमविलेपनामलकचुम्बिकस्तूरिकां समन्दहसितेक्षणां सशरचापपाशाङ्कुशाम् । अशेषजनमोहिनीमरुणमाल्यभूषांबरां जपाकुसुमभासुरां जपविधौ स्मराम्यम्बिकाम् ॥७॥

Verse

पुरन्दरपुरन्ध्रिकाचिकुरबन्धसैरन्ध्रिकां पितामहपतिव्रतापटुपटीरचर्चारताम् । मुकुन्दरमणीमणीलसदलङ्क्रियाकारिणीं भजामि भुवनाम्बिकां सुरवधूटिकाचेटिकाम् ॥८॥

śrībhavānyaṣṭakam śrīśaṃkarācāryakṛtam
śrīkamalajadayitāṣṭakam

सा विद्या या विमुक्तये

Built with Sankalpa at Gyaandweep

Gyaandweep

© 2022-2026 Granthajyoti Pvt Ltd.

Privacy & Terms